ആന്റിഓക്സിഡന്റുകള്‍ ധാരാളം; രക്തയോട്ടം വര്‍ദ്ധിപ്പിക്കാന്‍ പാഷന്‍ ഫ്രൂട്ട്

പാഷന്‍ ഫ്രൂട്ട് ഒരു മികച്ച പോഷകസമൃദ്ധമായ പഴമാണ്. ഇതില്‍ ധാരാളം വിറ്റാമിനുകള്‍, ധാതുക്കള്‍, നാരുകള്‍, ആന്റിഓക്സിഡന്റുകള്‍ എന്നിവ അടങ്ങിയിരിക്കുന്നു. 

ഉയര്‍ന്ന നാരുകള്‍ കാരണം രക്തത്തിലെ പഞ്ചസാരയുടെ അളവ് പെട്ടെന്ന് കൂടുന്നത് തടയാന്‍ ഇത് സഹായിക്കും. ഇത് പ്രമേഹരോഗികള്‍ക്ക് നല്ല ഓപ്ഷനാണ്. 

പാഷന്‍ ഫ്രൂട്ടില്‍ സെറാടോണിന്‍, ട്രിപ്‌റ്റോഫാന്‍ പോലുള്ള ഘടകങ്ങള്‍ അടങ്ങിയിട്ടുണ്ട്. ഇത് നാഡീവ്യവസ്ഥയില്‍ പ്രവര്‍ത്തിക്കുകയും സുഖപ്രദമായ ഉറക്കത്തെ പ്രോത്സാഹിപ്പിക്കുകയും ചെയ്യുന്നു. 

പാഷന്‍ ഫ്രൂട്ടില്‍ വിറ്റാമിന്‍ സി, വിറ്റാമിന്‍ എ, ബീറ്റാ കരോട്ടിന്‍ തുടങ്ങിയ ആന്റിഓക്സിഡന്റുകള്‍ ധാരാളം അടങ്ങിയിട്ടുണ്ട്. ഇത് ശരീരത്തിന് രോഗപ്രതിരോധശേഷി നല്‍കുകയും അണുബാധകളെ ചെറുക്കാന്‍ സഹായിക്കുകയും ചെയ്യുന്നു. 

ഇതിലെ പൊട്ടാസ്യത്തിന്റെ അളവ് രക്തക്കുഴലുകളെ റിലാക്‌സ് ചെയ്യാനും രക്തയോട്ടം വര്‍ദ്ധിപ്പിക്കാനും സഹായിക്കുന്നു. ഇത് രക്തസമ്മര്‍ദ്ദം നിയന്ത്രിക്കാനും ഹൃദ്രോഗ സാധ്യത കുറയ്ക്കാനും സഹായിക്കുന്നു. 

ഉയര്‍ന്ന അളവിലുള്ള നാരുകള്‍ ദഹനത്തെ സഹായിക്കുകയും മലബന്ധം ഒഴിവാക്കാന്‍ സഹായിക്കുകയും ചെയ്യുന്നു. 

നാരുകള്‍ കാരണം പാഷന്‍ ഫ്രൂട്ട് ദീര്‍ഘനേരത്തേക്ക് വിശപ്പ് നിയന്ത്രിക്കാന്‍ സഹായിക്കുന്നു, അതുവഴി ശരീരഭാരം നിയന്ത്രിക്കാന്‍ സാധ്യതയുണ്ട്. 

വിറ്റാമിന്‍ എയും സി യും അടങ്ങിയിരിക്കുന്നതിനാല്‍ ചര്‍മ്മത്തിന്റെ ആരോഗ്യം വര്‍ദ്ധിപ്പിക്കാനും കണ്ണുകളുടെ ആരോഗ്യത്തിനും ഇത് വളരെ ഗുണകരമാണ്.