കുട്ടികളിലെ വയറിളക്കം; ശ്രദ്ധിക്കാനേറെ

കുട്ടികള്‍ക്ക് വയറിളക്കം ഉണ്ടായാല്‍ ആദ്യം ചെയ്യേണ്ടത് ശരീരത്തില്‍ ആവശ്യത്തിന് വെള്ളാംശം നിലനിര്‍ത്തുക എന്നതാണ്. ലക്ഷണങ്ങള്‍ തുടരുകയാണെങ്കില്‍ എത്രയും പെട്ടെന്ന് ഒരു ഡോക്ടറെ സമീപിക്കേണ്ടത് അത്യാവശ്യമാണ്. 

ദ്രാവകങ്ങള്‍ നല്‍കുക: കുട്ടികള്‍ക്ക് ധാരാളം ദ്രാവകങ്ങള്‍ നല്‍കി ശരീരത്തിലെ ജലാംശം നിലനിര്‍ത്തുക. ഗ്ലൂക്കോസ്-ഇലക്ട്രോലൈറ്റ് ലായനികള്‍ ഉപയോഗിക്കുന്നത് വളരെ പ്രധാനമാണ്. 

മുലയൂട്ടല്‍ തുടരുക: മുലയൂട്ടുന്ന കുഞ്ഞുങ്ങള്‍ക്ക് മുലപ്പാല്‍ തന്നെയാണ് ഏറ്റവും നല്ല ദ്രാവകം. വയറിളക്കം ഉണ്ടെങ്കിലും മുലയൂട്ടുന്നത് തുടരുക.
 
പോഷകസമൃദ്ധമായ ഭക്ഷണം: കുട്ടി സുഖമായിരിക്കുന്ന സമയത്ത് തന്നെ പഴങ്ങള്‍, പച്ചക്കറികള്‍, മാംസം, തൈര് തുടങ്ങിയ പോഷകങ്ങള്‍ അടങ്ങിയ ഭക്ഷണം നല്‍കാന്‍ ശ്രമിക്കുക. 

കൈകള്‍ വൃത്തിയായി സൂക്ഷിക്കുക: വയറിളക്കം പടരാതിരിക്കാന്‍ ഭക്ഷണം തയ്യാറാക്കുന്നതിനും കഴിക്കുന്നതിനും മുമ്പും ശൗചാലയം ഉപയോഗിച്ച ശേഷവും കൈകള്‍ നന്നായി കഴുകേണ്ടത് പ്രധാനമാണ്.