രക്തസമ്മര്‍ദ്ദം, കൊളസ്ട്രോള്‍ നിയന്ത്രിക്കാന്‍ കുത്തരി

കുത്തരിക്ക് ധാരാളം ആരോഗ്യ ഗുണങ്ങളുണ്ട്, പ്രത്യേകിച്ചും തവിട് കളയാത്ത കുത്തരി കഴിക്കുന്നത് ദഹനം മെച്ചപ്പെടുത്താനും ശരീരത്തിലെ നാരുകളുടെ അളവ് വര്‍ദ്ധിപ്പിക്കാനും സഹായിക്കും. ഇത് മലബന്ധം കുറയ്ക്കാനും, അര്‍ബുദം പോലുള്ള രോഗങ്ങളെ തടയാനും സഹായിക്കുന്നതാണ്. 

കുത്തരിയില്‍ അടങ്ങിയിട്ടുള്ള സെലേനിയം, മാംഗനീസ്, മഗ്‌നീഷ്യം തുടങ്ങിയവ സന്ധിവാതം, ഹൃദയസംബന്ധമായ അസുഖങ്ങള്‍, എല്ലുകളുടെ ബലം എന്നിവയ്ക്കും ഗുണകരമാണ്. ധാരാളം നാരുകള്‍ അടങ്ങിയിട്ടുള്ളതിനാല്‍ ദഹനപ്രക്രിയ സുഗമമാക്കുകയും മലബന്ധം കുറയ്ക്കുകയും ചെയ്യുന്നു. സെലേനിയം ധാരാളം അടങ്ങിയിട്ടുള്ളതിനാല്‍ അര്‍ബുദം ഒരു പരിധിവരെ തടയാന്‍ കുത്തരി സഹായിച്ചേക്കാം.

ഹൃദയസംബന്ധമായ അസുഖങ്ങള്‍, രക്തസമ്മര്‍ദ്ദം, കൊളസ്ട്രോള്‍ എന്നിവ നിയന്ത്രിക്കാന്‍ സഹായിക്കുന്നു. ഒരു കപ്പ് കുത്തരിയില്‍ ശരീരത്തിന് ആവശ്യമായ മാംഗനീസിന്റെ വലിയൊരു ഭാഗം അടങ്ങിയിരിക്കുന്നു, ഇത് ശരീരത്തിലെ കൊഴുപ്പിനെ വേര്‍തിരിക്കാന്‍ സഹായിക്കുന്നു.

മഗ്നീഷ്യം അടങ്ങിയിട്ടുള്ളതിനാല്‍ എല്ലുകളുടെ ബലം വര്‍ദ്ധിപ്പിക്കാന്‍ സഹായിക്കും. ആന്റി ഓക്‌സിഡന്റുകള്‍ അടങ്ങിയ കുത്തരി ചര്‍മ്മത്തിന് തിളക്കം നല്‍കാനും ചെറുപ്പം നിലനിര്‍ത്താനും സഹായിക്കും.