മാനസികാരോഗ്യം മെച്ചപ്പെടുത്താന്‍ നോനിപ്പഴം

നോനിപ്പഴത്തിന് പ്രതിരോധശേഷി വര്‍ദ്ധിപ്പിക്കാനും, രക്തസമ്മര്‍ദ്ദം കുറയ്ക്കാനും മാനസികാരോഗ്യം മെച്ചപ്പെടുത്താനും സഹായിക്കുന്ന ധാരാളം ഗുണങ്ങളുണ്ട്. ഇതില്‍ വിറ്റാമിനുകള്‍, ധാതുക്കള്‍, ആന്റിഓക്സിഡന്റുകള്‍ എന്നിവ അടങ്ങിയിട്ടുണ്ട്. എല്ലുകളുടെയും പല്ലുകളുടെയും ആരോഗ്യത്തിനും മുടി സംരക്ഷണത്തിനും ഇത് മികച്ചതാണ്. 

ധാരാളം ആന്റിഓക്സിഡന്റുകള്‍ അടങ്ങിയ നോനി, ശരീരത്തിന്റെ പ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. വിഷാദരോഗം കുറയ്ക്കാന്‍ സഹായിക്കുന്ന ഒളിഗോ സാക്കറൈഡുകള്‍ നോനിയില്‍ അടങ്ങിയിട്ടുണ്ട്.

രക്തക്കുഴലുകളില്‍ നൈട്രിക് ആസിഡ് ഉത്പാദിപ്പിക്കുന്നത് വഴി രക്തസമ്മര്‍ദ്ദം കുറയ്ക്കാനും ഹൃദയത്തിന് സമ്മര്‍ദ്ദം ലഘൂകരിക്കാനും സഹായിക്കും. കാത്സ്യം ധാരാളമായി അടങ്ങിയിരിക്കുന്നതിനാല്‍ എല്ലുകള്‍ക്കും പല്ലുകള്‍ക്കും ബലം നല്‍കുന്നു. മുടികൊഴിച്ചില്‍ തടയാന്‍ സഹായിക്കുന്ന ഫാറ്റി ആസിഡുകള്‍ ഇതിലുണ്ട്. വീക്കം കുറയ്ക്കുന്നതിലൂടെ കഴുത്തിലെ വേദനയും അസ്വസ്ഥതയും ലഘൂകരിക്കാന്‍ സഹായിക്കും.

ശരീരത്തിലെ വിഷാംശം ഇല്ലാതാക്കാനും കുടലിന്റെ ആരോഗ്യം മെച്ചപ്പെടുത്താനും നോനി സഹായിക്കും. നോനിപ്പഴം എല്ലാവര്‍ക്കും ഒരുപോലെ ഗുണം ചെയ്യില്ല. ഉയര്‍ന്ന പൊട്ടാസ്യത്തിന്റെ അളവ് കാരണം വൃക്കരോഗമുള്ളവര്‍ ഇത് ഉപയോഗിക്കുമ്പോള്‍ ശ്രദ്ധിക്കണം. 

ഗുണങ്ങളെക്കുറിച്ച് അമിതമായ അവകാശവാദങ്ങള്‍ ഉണ്ടെങ്കിലും ശാസ്ത്രീയമായി പൂര്‍ണ്ണമായി തെളിയിക്കപ്പെട്ടിട്ടില്ല. അതിനാല്‍, ഏതെങ്കിലും രോഗത്തിനുള്ള മരുന്നായി ഉപയോഗിക്കുന്നതിന് മുമ്പ് ഡോക്ടറെ സമീപിക്കേണ്ടത് അത്യാവശ്യമാണ്.