തേങ്ങാവെള്ളത്തില്‍ കൊഴുപ്പ് കുറവ്

ഇതിലെ പൊട്ടാസ്യം, സോഡിയം എന്നിവ രക്തസമ്മര്‍ദ്ദം നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കും. വൃക്കകളിലെ കല്ലുകള്‍ ഉണ്ടാകുന്നത് തടയാനും വൃക്കകളുടെ പ്രവര്‍ത്തനം സുഗമമാക്കാനും തേങ്ങാവെള്ളം സഹായിക്കും. 

കൊഴുപ്പ് കുറഞ്ഞതും കലോറി വളരെ കുറഞ്ഞതുമായതിനാല്‍ ശരീരഭാരം കുറയ്ക്കുന്നവര്‍ക്ക് ഇത് മികച്ചൊരു ദാഹശമനിയും പാനീയവുമാണ്. ഇതിലടങ്ങിയിരിക്കുന്ന വിറ്റാമിനുകളും പോഷകങ്ങളും പ്രതിരോധശേഷി വര്‍ദ്ധിപ്പിക്കാനും വൈറല്‍ അണുബാധകളെ ചെറുക്കാനും സഹായിക്കും. 

ദഹനക്കേട്, മലബന്ധം, നെഞ്ചെരിച്ചില്‍ തുടങ്ങിയ ദഹനപ്രശ്‌നങ്ങള്‍ പരിഹരിക്കാന്‍ തേങ്ങാവെള്ളം നല്ലതാണ്. ഇതിലടങ്ങിയിരിക്കുന്ന ആന്റി ഓക്‌സിഡന്റുകളും സൈറ്റോകൈനിനുകളും ചര്‍മ്മത്തിന്റെ യുവത്വം നിലനിര്‍ത്താനും മുഖക്കുരു പോലുള്ള പ്രശ്‌നങ്ങള്‍ കുറയ്ക്കാനും സഹായിക്കും.