ചേനയില്‍ ആന്റിഓക്‌സിഡന്റുകള്‍ ധാരാളം

ചേനയിലെ ആന്റിഓക്‌സിഡന്റുകളും ഫൈറ്റോകെമിക്കലുകളും കാന്‍സറിനെ ചെറുക്കാന്‍ സഹായിക്കുകയും പ്രതിരോധശേഷി വര്‍ദ്ധിപ്പിക്കുകയും ചെയ്യുന്നു. കൂടാതെ, രക്തത്തിലെ പഞ്ചസാരയുടെ അളവ് നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്നു. 

ചേനയില്‍ അടങ്ങിയിട്ടുള്ള ഫൈബര്‍ ദഹനപ്രക്രിയയെ സുഗമമാക്കാനും ദഹനനാളം ശക്തിപ്പെടുത്താനും സഹായിക്കുന്നു. നാരുകളും പ്രോട്ടീനും അടങ്ങിയതുകൊണ്ട് ചേന പെട്ടെന്ന് വയറു നിറഞ്ഞ തോന്നലുണ്ടാക്കുകയും അമിത ഭക്ഷണം കഴിക്കുന്നത് നിയന്ത്രിക്കുകയും ചെയ്യും, ഇത് ശരീരഭാരം കുറയ്ക്കാന്‍ സഹായിക്കുന്നു. 

ചേനയിലെ ഉയര്‍ന്ന ഫൈബര്‍ അടക്കം രക്തത്തിലെ ഗ്ലൂക്കോസിന്റെ അളവ് പെട്ടെന്ന് വര്‍ധിക്കുന്നത് തടയാന്‍ സഹായിക്കുന്നു, അതിനാല്‍ പ്രമേഹമുള്ളവര്‍ക്ക് ഇത് നല്ലതാണ്. പൊട്ടാസ്യം അടങ്ങിയതുകൊണ്ട് ചേന ഉയര്‍ന്ന രക്തസമ്മര്‍ദ്ദം കുറയ്ക്കാനും ഹൃദ്രോഗ സാധ്യത കുറയ്ക്കാനും സഹായിക്കുന്നു.
 
ചേനയില്‍ അടങ്ങിയിരിക്കുന്ന വിറ്റാമിന്‍ സി, ഫോളേറ്റ്, സിങ്ക് തുടങ്ങിയവ രോഗപ്രതിരോധശേഷി വര്‍ദ്ധിപ്പിക്കുന്നു. ഇതിലെ മഗ്‌നീഷ്യം, കാല്‍സ്യം, വിറ്റാമിന്‍ ഡി തുടങ്ങിയ ഘടകങ്ങള്‍ എല്ലുകളുടെ ആരോഗ്യത്തിന് അത്യന്താപേക്ഷിതമാണ്.