ഉറക്ക പ്രശ്‌നങ്ങള്‍; കഫീന്‍ അമിതമായാല്‍

കഫീന്‍ അമിതമായി ഉപയോഗിച്ചാല്‍ ഉറക്കമില്ലായ്മ, തലവേദന, അസ്വസ്ഥത, ഉറക്ക പ്രശ്‌നങ്ങള്‍ എന്നിവയ്ക്ക് കാരണമാകും. ദീര്‍ഘകാല ഉപയോഗം അസ്ഥികളുടെ ബലഹീനതയ്ക്ക് കാരണമായേക്കാം. 

കഫീന്‍ ഒരു ഉത്തേജകമായതിനാല്‍ ഉറക്കചക്രത്തെ തടസ്സപ്പെടുത്താനും ഉറക്കം വരാത്ത അവസ്ഥയുണ്ടാക്കാനും സാധ്യതയുണ്ട്. ആമാശയത്തിലെ ആസിഡ് ഉത്പാദനം വര്‍ദ്ധിപ്പിക്കുകയും നെഞ്ചെരിച്ചില്‍, വയറുവേദന, ഓക്കാനം, ചിലപ്പോള്‍ വയറിളക്കം എന്നിവയ്ക്കും കാരണമാകാം. 

ഹൃദയമിടിപ്പ് കൂടാനും ഉയര്‍ന്ന രക്തസമ്മര്‍ദ്ദം ഉണ്ടാകാനും കാരണമാകാം. പേശിവലിച്ചിലും വിറയലും ഉണ്ടാകാം. അമിതമായ ഉപയോഗം കാത്സ്യത്തിന്റെ ആഗിരണത്തെ ബാധിക്കുകയും ഓസ്റ്റിയോപൊറോസിസ് അഥവാ അസ്ഥികളുടെ ബലഹീനതയ്ക്കും കാരണമാകാം. 

കേന്ദ്ര നാഡീവ്യൂഹത്തെ ഉത്തേജിപ്പിച്ച് അമിതമായ ഉത്കണ്ഠയ്ക്കും അസ്വസ്ഥതയ്ക്കും കാരണമാകാം. കഫീന്‍ തലവേദന ഉണ്ടാക്കാന്‍ സാധ്യതയുണ്ടെങ്കിലും, ഇത് തലവേദന വഷളാക്കാനും സാധ്യതയുണ്ട്.