രക്തവാതം പ്രധാന ലക്ഷണങ്ങള്‍

രാവിലെ ഇരിക്കുമ്പോള്‍ അല്ലെങ്കില്‍ ഒരിടത്ത് ദീര്‍ഘനേരം ഇരുന്ന ശേഷം എഴുന്നേല്‍ക്കുമ്പോള്‍ സന്ധികളില്‍ വേദനയും കാഠിന്യവും അനുഭവപ്പെടാം. ബാധിച്ച സന്ധികളില്‍ നീര്‍വീക്കം, ചുവപ്പ് നിറം എന്നിവ കാണാം. ശരീരത്തിന് വളരെയധികം ക്ഷീണം അനുഭവപ്പെടാം. പനി, വിശപ്പ് കുറയുക, ശരീരഭാരം കുറയുക തുടങ്ങിയ ലക്ഷണങ്ങളും ഉണ്ടാകാം. കൈവിരലുകളില്‍ മുഴകള്‍ രൂപപ്പെട്ടേക്കാം.

റൂമറ്റോയ്ഡ് ആര്‍ത്രൈറ്റിസില്‍ സാധാരണയായി ശരീരത്തിന്റെ ഇരുവശത്തും ഒരേ സന്ധികള്‍ ബാധിക്കപ്പെടുന്നു. അതായത്, വലത് കൈത്തണ്ടയില്‍ വേദനയുണ്ടെങ്കില്‍ ഇടത് കൈത്തണ്ടയിലും വേദന ഉണ്ടാകാം. കൈത്തണ്ടകള്‍, കൈകളിലെയും കാലുകളിലെയും ചെറിയ സന്ധികളാണ് ആദ്യം സാധാരണയായി ബാധിക്കുന്നത്. ക്ഷീണം, പനി തുടങ്ങിയവ ഫ്‌ലൂ പോലുള്ള ലക്ഷണങ്ങളായി അനുഭവപ്പെടാം.