യാത്ര ചെയ്യുമ്പോള്‍ ഛര്‍ദ്ദി ഒഴിവാക്കാം

യാത്ര ചെയ്യുമ്പോള്‍ ഛര്‍ദ്ദിക്കുന്നത് ഒഴിവാക്കാന്‍ പുകവലി, മദ്യപാനം എന്നിവ യാത്രയ്ക്ക് മുന്‍പ് ഒഴിവാക്കുക. പുറത്ത് നോക്കുമ്പോള്‍ ദൂരേക്ക് നോക്കുക, അല്ലെങ്കില്‍ കണ്ണിമകള്‍ അടച്ച് വിശ്രമിക്കുക. 

വാഹനത്തിന്റെ മുന്‍സീറ്റില്‍ ഇരിക്കുക അല്ലെങ്കില്‍ കുലുക്കം കുറഞ്ഞ ഭാഗം തിരഞ്ഞെടുക്കുക. ജനലരികില്‍ ഇരിക്കുക, കാറ്റിനായി ഗ്ലാസ് താഴ്ത്തുക. ഫോണ്‍, പുസ്തകം, ലാപ്‌ടോപ് എന്നിവ ഉപയോഗിക്കാതിരിക്കുക. പുതിനയുടെയോ മറ്റെന്തെങ്കിലും ഗന്ധമുള്ള മിഠായികള്‍ വായില്‍ വച്ച് അലിയിക്കുക. 

നിര്‍ജലീകരണം ഒഴിവാക്കാന്‍ ധാരാളം വെള്ളം കുടിക്കുക. അസ്വസ്ഥത തോന്നിയാല്‍ വാഹനം നിര്‍ത്താന്‍ ആവശ്യപ്പെടാം. ഛര്‍ദ്ദി ഒഴിവാക്കാന്‍ മരുന്നുകള്‍ ഉപയോഗിക്കുന്നതിനെക്കുറിച്ച് ഡോക്ടറുമായി ആലോചിക്കുക. 

യാത്ര ചെയ്യുമ്പോള്‍ ഛര്‍ദ്ദിയെക്കുറിച്ച് സംസാരിക്കുന്നത് ഒഴിവാക്കുക. അസ്വാസ്ഥ്യം തോന്നിയാല്‍ തല പുറത്തേക്ക് ഇടാതിരിക്കുക. നിര്‍ബന്ധമാണെങ്കില്‍ വാഹനം നിര്‍ത്തി, മുഖം കഴുകി, കാറ്റു കൊള്ളുക.