ഒടിവുകള്‍, ചതവുകള്‍, നടുവേദന, മുട്ടുവേദന; ചങ്ങലംപരണ്ട പരിഹാരം

എല്ലുകളുടെയും പല്ലുകളുടെയും ആരോഗ്യം വര്‍ദ്ധിപ്പിക്കുന്നു, ഒടിവുകള്‍ വേഗത്തില്‍ കൂട്ടിയിണക്കാന്‍ സഹായിക്കുന്നു, കഫ-വാത സംബന്ധമായ രോഗങ്ങള്‍ ശമിപ്പിക്കുന്നു, ആര്‍ത്തവ പ്രശ്‌നങ്ങള്‍ക്ക് പരിഹാരം കാണുന്നു, ദഹനക്കേട്, വിശപ്പില്ലായ്മ എന്നിവയ്ക്ക് ഫലപ്രദമാണ്, ചെവിയിലെ വേദന, പഴുപ്പ് എന്നിവയ്ക്ക് ആശ്വാസം നല്‍കുന്നു എന്നിവയാണ് ചങ്ങലംപരണ്ടയുടെ പ്രധാന ഗുണങ്ങള്‍. 

കാത്സ്യം ധാരാളമായി അടങ്ങിയിട്ടുള്ളതിനാല്‍ എല്ലുകളുടെയും പല്ലുകളുടെയും ആരോഗ്യത്തിന് നല്ലതാണ്. അസ്ഥി സംഹാരി എന്ന് സംസ്‌കൃതത്തില്‍ അറിയപ്പെടുന്ന ഇത്, ഒടിഞ്ഞ എല്ലുകള്‍ കൂട്ടിച്ചേര്‍ക്കാന്‍ സഹായിക്കുന്നു. 

ഒടിവുകള്‍, ചതവുകള്‍, സന്ധിവാതം, നടുവേദന, മുട്ടുവേദന തുടങ്ങിയവയ്ക്ക് പുറത്ത് പുരട്ടുന്ന എണ്ണ രൂപത്തിലും ഉപയോഗിക്കാം. ചങ്ങലംപരണ്ട നീരും തേനും ചേര്‍ത്ത് കഴിക്കുന്നത് ആര്‍ത്തവ ക്രമക്കേടുകള്‍ പരിഹരിക്കാന്‍ സഹായിക്കും. 

ചങ്ങലംപരണ്ടയുടെ തണ്ടും ഇലയും ഉണക്കി പൊടിച്ച് മോരില്‍ കലക്കി കഴിക്കുന്നത് ദഹനക്കുറവും വിശപ്പില്ലായ്മയും മാറ്റാന്‍ സഹായിക്കും. ഇതിന്റെ നീര് ചെറുചൂടോടെ ചെവിയില്‍ ഒഴിക്കുന്നത് ചെവി വേദന, പഴുപ്പ്, നീര് എന്നിവയ്ക്ക് ആശ്വാസം നല്‍കും. കഫം, വാതം എന്നിവയുമായി ബന്ധപ്പെട്ട അസുഖങ്ങള്‍ക്ക് ഇത് വളരെ നല്ലതാണ്. 

ചങ്ങലംപരണ്ട സംസ്‌കരിക്കാതെ നേരിട്ട് ഉപയോഗിക്കരുത്. ചൊറിച്ചില്‍ ഉണ്ടാകാന്‍ സാധ്യതയുണ്ട്.