മത്തന്‍കുരുവില്‍ മഗ്നീഷ്യം ധാരാളം

മത്തന്‍കുരുവില്‍ ഉയര്‍ന്ന അളവില്‍ മഗ്നീഷ്യം, സിങ്ക്, ഇരുമ്പ്, പ്രോട്ടീന്‍, ഒമേഗ-3 ഫാറ്റി ആസിഡുകള്‍ തുടങ്ങിയ പോഷകങ്ങള്‍ അടങ്ങിയിട്ടുണ്ട്. ഇത് ഹൃദയാരോഗ്യം മെച്ചപ്പെടുത്താനും രക്തസമ്മര്‍ദ്ദം നിയന്ത്രിക്കാനും സഹായിക്കുന്നു. 

മഗ്നീഷ്യത്തിന്റെ ഉയര്‍ന്ന അളവ് കാരണം ഹൃദ്രോഗ സാധ്യത കുറയ്ക്കുകയും രക്തസമ്മര്‍ദ്ദം നിയന്ത്രിക്കുകയും ചെയ്യുന്നു. സിങ്ക്, വിറ്റാമിന്‍ ഇ, കരോട്ടിനോയ്ഡുകള്‍ എന്നിവ അടങ്ങിയതിനാല്‍ രോഗപ്രതിരോധ ശേഷി വര്‍ദ്ധിപ്പിക്കുന്നു. 

ട്രിപ്‌റ്റോഫാന്‍ എന്ന അമിനോ ആസിഡ് അടങ്ങിയിരിക്കുന്നതിനാല്‍ ഉറക്കത്തെ മെച്ചപ്പെടുത്തുന്നു. പുരുഷന്മാരിലെ പ്രോസ്റ്റേറ്റ് ഗ്രന്ഥിയുടെ വീക്കം തടയുന്നതിനും പ്രോസ്റ്റേറ്റ് കാന്‍സറിനുള്ള സാധ്യത കുറയ്ക്കുന്നതിനും സഹായിക്കുന്നു. 

ഉയര്‍ന്ന നാരുകളും പ്രോട്ടീനും കാരണം ദീര്‍ഘനേരം വയറു നിറഞ്ഞ പ്രതീതി നല്‍കുകയും ഇത് ശരീരഭാരം കുറയ്ക്കാന്‍ സഹായിക്കുകയും ചെയ്യുന്നു.