ആസ്ത്മ മാറാന്‍ ആടലോടകം

ആടലോടകം ഇലയ്ക്ക് ചുമ, കഫക്കെട്ട്, ആസ്ത്മ, ശ്വാസംമുട്ടല്‍ തുടങ്ങി ശ്വാസകോശ സംബന്ധമായ രോഗങ്ങള്‍ ശമിപ്പിക്കാന്‍ കഴിവുണ്ട്. ഇലയുടെ നീര് തേനില്‍ ചേര്‍ത്തോ, ഇഞ്ചിനീരും തേനും ചേര്‍ത്തോ കഴിക്കുന്നത് ചുമയും കഫവും ഇളകാന്‍ സഹായിക്കും. രക്തപിത്തം, ക്ഷയം, വയറുവേദന തുടങ്ങിയ രോഗങ്ങള്‍ക്കും ആടലോടക ഇല ഉപയോഗപ്രദമാണ്. കൂടാതെ, ആടലോടക ഇല ചെടികള്‍ക്ക് കീടനാശിനിയായും ഉപയോഗിക്കാം. 

ശ്വാസകോശ രോഗങ്ങള്‍: ചുമ, കഫം, ആസ്ത്മ, ബ്രോങ്കൈറ്റിസ്, ശ്വാസംമുട്ടല്‍ എന്നിവയ്ക്ക് പരിഹാരമാണ്.

രക്തസ്രാവം: രക്തപിത്തം (രോമകൂപങ്ങളിലൂടെയുള്ള രക്തസ്രാവം) ശമിപ്പിക്കാന്‍ സഹായിക്കും.

കീടനാശിനി: ആടലോടക ഇല വേവിച്ച് ആറ്റി ഉപയോഗിക്കുന്നത് കുമിളുകളെയും ബാക്ടീരിയകളെയും കീടങ്ങളെയും നശിപ്പിക്കും.

ചുമയും കഫത്തിനും

ഇല ഇടിച്ചുപിഴിഞ്ഞ് നീരെടുത്ത് തേന്‍ചേര്‍ത്ത് കഴിക്കാം. 
ഇലയുടെ നീരും ഇഞ്ചിനീരും തേനും ചേര്‍ത്തും കഴിക്കാം. 
ഉണക്കിപ്പൊടിച്ച ഇല, അരി വറുത്ത പൊടി, കല്‍ക്കണ്ടം, ജീരകം, കുരുമുളക് ഇവ ചേര്‍ത്ത് കഴിക്കാം. 

രക്തപിത്തത്തിന്

ഇല വാട്ടിപ്പിഴിഞ്ഞ നീരില്‍ തേനും പഞ്ചസാരയും ചേര്‍ത്ത് കഴിക്കാം. 
ഇലയും ചന്ദനവും അരച്ച് പതിനഞ്ച് മില്ലി വീതം രാവിലെയും വൈകിട്ടും കഴിച്ചാല്‍ രോമകൂപങ്ങളിലൂടെയുള്ള രക്തസ്രാവം ശമിക്കുമെന്ന് പറയപ്പെടുന്നു. 

ആസ്ത്മയ്ക്ക്

ഉണങ്ങിയ ഇലകള്‍ ചുരുട്ടാക്കി വലിക്കുന്നത് ആസ്ത്മയ്ക്ക് ആശ്വാസം നല്‍കുമെന്ന് പറയപ്പെടുന്നു. ഇല വാട്ടിപ്പിഴിഞ്ഞ നീരില്‍ തേന്‍ ചേര്‍ത്ത് കഴിക്കുന്നത് നല്ലതാണ്.