/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/10/09/bf0c863e-bef1-4677-968d-bfd00e0c9264-2025-10-09-17-00-34.jpg)
കടലയുടെ പ്രധാന ദോഷങ്ങള്‍ അലര്‍ജി പ്രതിപ്രവര്‍ത്തനങ്ങള്‍, ഒമേഗ-6 ഫാറ്റി ആസിഡുകളുടെ അസന്തുലിതാവസ്ഥ (വീക്കം ഉണ്ടാക്കാം), അമിത ഉപഭോഗംമൂലമുള്ള ശരീരഭാരം വര്‍ദ്ധന, പൂപ്പല്‍ ബാധിച്ച കടലയിലുള്ള അഫ്‌ലാടോക്‌സിന്‍ എന്ന വിഷാംശമുള്ള ഫംഗസ് എന്നിവയാണ്. കൂടാതെ, ചെറിയ കുട്ടികളില്‍ കടല കഴിക്കുമ്പോള്‍ ശ്വാസംമുട്ടല്‍ ഉണ്ടാവാം, വറുത്ത കടലയിലെ അമിത ഉപ്പ് രക്തസമ്മര്‍ദ്ദം കൂട്ടാം.
നിലക്കടല അലര്‍ജിയുള്ള ആളുകള്‍ക്ക് ഇത് കഴിക്കുമ്പോള്‍ കടുത്ത അലര്‍ജി പ്രതികരണങ്ങള്‍ ഉണ്ടാകാം. കടലയില്‍ ഒമേഗ-6 ഫാറ്റി ആസിഡുകള്‍ കൂടുതലായി അടങ്ങിയിട്ടുണ്ട്. ഒമേഗ-3 ഫാറ്റി ആസിഡുകളുമായുള്ള അനുപാതത്തിലെ അസന്തുലിതാവസ്ഥ ശരീരത്തില്‍ വീക്കം വര്‍ദ്ധിപ്പിക്കാന്‍ ഇടയാക്കും.
നിലക്കടലയില്‍ ഉയര്‍ന്ന കലോറി അടങ്ങിയിരിക്കുന്നതിനാല്‍, അമിതമായി കഴിക്കുന്നത് ശരീരഭാരം കൂടാന്‍ കാരണമാകും. പൂപ്പല്‍ ബാധിച്ച കടലയില്‍ അഫ്‌ലാടോക്‌സിന്‍ എന്ന വിഷവസ്തു ഉണ്ടാകാം. ഇത് കരളിനെ ദോഷകരമായി ബാധിക്കുകയും ആരോഗ്യ പ്രശ്‌നങ്ങള്‍ക്ക് കാരണമാവുകയും ചെയ്യും.
കടല അമിതമായി കഴിക്കുമ്പോള്‍, ഇതിലെ ചില ഘടകങ്ങള്‍ ശരീരത്തില്‍ സിങ്കിന്റെയും അയണിന്റെയും ആഗീരണത്തെ തടസ്സപ്പെടുത്താം. ചെറിയ കുട്ടികള്‍ കടല കഴിക്കുമ്പോള്‍ വിക്കി നിറുകയില്‍ കയറാന്‍ സാധ്യതയുണ്ട്. അതിനാല്‍ അവര്‍ക്ക് കൊടുക്കുമ്പോള്‍ പൊടിച്ചോ ദ്രവരൂപത്തിലോ നല്‍കുന്നത് നല്ലതാണ്.
വറുത്ത കടലയില്‍ ചേര്‍ക്കുന്ന അമിതമായ ഉപ്പ് രക്തസമ്മര്‍ദ്ദം കൂടാന്‍ കാരണമായേക്കാം. അമിതമായ നിലക്കടലയുടെ ഉപയോഗം ചിലരില്‍ നെഞ്ചെരിച്ചിലും ഗ്യാസ് പ്രശ്‌നങ്ങള്‍ക്ക് കാരണമാകും.