വയറിന്റെ വലതുഭാഗത്തെ വേദനയുണ്ടോ? ഇതാണ് കാരണം...

വയറിന്റെ വലതുഭാഗത്തെ വേദന പല കാരണങ്ങള്‍ കൊണ്ടുണ്ടാകാം. അതില്‍ ചിലത് നിസ്സാരമാണെങ്കിലും മറ്റു ചിലത് ഗുരുതരമായ ആരോഗ്യപ്രശ്‌നങ്ങളിലേക്ക് നയിച്ചേക്കാം. വേദനയുടെ കാരണം കണ്ടുപിടിക്കാന്‍ ഡോക്ടറെ കാണേണ്ടത് അത്യാവശ്യമാണ്.

ചില കാരണങ്ങള്‍

അപ്പന്‍ഡിസൈറ്റിസ്

ഇത് അപ്പെന്‍ഡിക്‌സിന്റെ വീക്കം മൂലമുണ്ടാകുന്ന ഒരു അവസ്ഥയാണ്. വലത് ഭാഗത്ത് താഴെയായി വേദന അനുഭവപ്പെടുകയും ശ്വാസമെടുക്കുമ്പോഴും ചലിക്കുമ്പോഴും വേദന വര്‍ദ്ധിക്കുകയും ചെയ്യും.

വൃക്കയിലെ കല്ലുകള്‍

വലത് വൃക്കയിലോ മൂത്രനാളത്തിലോ കല്ലുകള്‍ ഉണ്ടാകുമ്പോള്‍ വേദന അനുഭവപ്പെടാം. ഇത് നടുവേദനയായും അനുഭവപ്പെടാം.

പിത്താശയത്തിലെ കല്ലുകള്‍

പിത്താശയത്തിലുണ്ടാകുന്ന കല്ലുകള്‍ വേദനയുണ്ടാക്കാം. ഇത് വലത് ഭാഗത്ത് വാരിയെല്ലിന് താഴെയായി അനുഭവപ്പെടാം.

കുടല്‍ സംബന്ധമായ പ്രശ്‌നങ്ങള്‍

കുടലില്‍ ഉണ്ടാകുന്ന അണുബാധകള്‍, വീക്കം, മലബന്ധം തുടങ്ങിയവയും വലത് ഭാഗത്ത് വേദനയുണ്ടാക്കാം.

സ്ത്രീകളില്‍

എക്ടോപിക് ഗര്‍ഭധാരണം, അണ്ഡാശയത്തില്‍ ഉണ്ടാകുന്ന മുഴകള്‍, ഫൈബ്രോയിഡുകള്‍ എന്നിവയും വലത് ഭാഗത്ത് വേദനയുണ്ടാക്കാം.

ഹെര്‍ണിയ

ആന്തരികാവയവങ്ങള്‍ പേശികളിലൂടെ തള്ളി വരുന്ന അവസ്ഥയാണിത്. ഇത് വലത് ഭാഗത്ത് വീര്‍ക്കുന്ന പോലെ തോന്നുകയും വേദനയുണ്ടാകുകയും ചെയ്യും.

വേദനയുടെ കാഠിന്യം, മറ്റ് അനുബന്ധ ലക്ഷണങ്ങള്‍ എന്നിവ അനുസരിച്ച് ചികിത്സകള്‍ വ്യത്യാസപ്പെടാം. അതിനാല്‍, വേദന അവഗണിക്കാതെ എത്രയും പെട്ടെന്ന് ഡോക്ടറെ കാണിക്കേണ്ടത് അത്യാവശ്യമാണ്.