കാന്‍സര്‍ സാധ്യത കുറയ്ക്കാന്‍ കാച്ചില്‍ കഞ്ഞി

കാച്ചില്‍ കഞ്ഞിയുടെ പ്രധാന ഗുണങ്ങളില്‍ ഇവ ഉള്‍പ്പെടുന്നു: ദഹനവ്യവസ്ഥയെ മെച്ചപ്പെടുത്തുന്നു, ശരീരത്തിന് പ്രതിരോധശക്തി നല്‍കുന്നു, രക്തയോട്ടം വര്‍ദ്ധിപ്പിക്കുന്നു, ശരീരഭാരം കുറയ്ക്കാന്‍ സഹായിക്കുന്നു, മസ്തിഷ്‌കത്തിന്റെ ആരോഗ്യം മെച്ചപ്പെടുത്തുന്നു, ശരീരത്തിലെ വിഷാംശം നീക്കം ചെയ്യുന്നു, കൂടാതെ കാന്‍സര്‍ സാധ്യത കുറയ്ക്കുന്നു.  

കാച്ചിലില്‍ അടങ്ങിയിരിക്കുന്ന പെക്റ്റിന്‍ എന്ന ലയിക്കുന്ന നാരുകള്‍ ദഹനം സുഗമമാക്കാനും കുടല്‍ ശുദ്ധീകരിക്കാനും സഹായിക്കുന്നു. ഇത് മലബന്ധം പോലുള്ള പ്രശ്‌നങ്ങളെ പ്രതിരോധിക്കാനും സഹായിക്കും.

കാച്ചിലില്‍ ധാരാളമായി അടങ്ങിയിട്ടുള്ള വിറ്റാമിന്‍ സി പോലുള്ള ആന്റിഓക്സിഡന്റുകള്‍ ശരീരത്തിലെ റിയാക്ടീവ് ഓക്സിജന്‍ സ്പീഷീസുകളെ ഇല്ലാതാക്കി, കോശങ്ങളുടെ കേടുപാടുകള്‍ പരിഹരിച്ച് പ്രതിരോധശേഷി വര്‍ദ്ധിപ്പിക്കുന്നു.

കാച്ചിലിലുള്ള പൊട്ടാസ്യം രക്തയോട്ടം വര്‍ദ്ധിപ്പിക്കാന്‍ സഹായിക്കുന്നു. പൊട്ടാസ്യം ഒരു വാസോആക്ടീവ് ആയതിനാല്‍ രക്തക്കുഴലുകളെ വികസിപ്പിക്കുകയും രക്തയോട്ടം മെച്ചപ്പെടുത്തുകയും ചെയ്യുന്നു. കാച്ചിലിലെ ഉയര്‍ന്ന നാരുകളുടെ അളവ് ദീര്‍ഘനേരം വയറു നിറഞ്ഞെന്ന തോന്നല്‍ നല്‍കുകയും അതുവഴി അമിത ഭക്ഷണം ഒഴിവാക്കാനും ശരീരഭാരം കുറയ്ക്കാനും സഹായിക്കുന്നു.

കാച്ചിലില്‍ അടങ്ങിയിട്ടുള്ള ഡയോസ്‌ജെനിന്‍ എന്ന സംയുക്തം തലച്ചോറിന്റെ പ്രവര്‍ത്തനങ്ങളെ മെച്ചപ്പെടുത്താനും ന്യൂറോണുകളുടെ വളര്‍ച്ചയെ സഹായിക്കാനും ശേഷിയുള്ളതാണ്. ശരീരത്തില്‍ അടിഞ്ഞുകൂടിയിരിക്കുന്ന വിഷാംശങ്ങള്‍ പുറന്തള്ളാന്‍ കാച്ചില്‍ കഞ്ഞി സഹായിക്കുന്നു. വിറ്റാമിന്‍ സി പോലുള്ള ആന്റിഓക്സിഡന്റുകള്‍ കാന്‍സറിനെ പ്രതിരോധിക്കാനും സഹായിക്കും.