ഗര്‍ഭാശയത്തിലെ വീക്കം കുറയ്ക്കാന്‍ നൊച്ചിയില

നൊച്ചിയിലയ്ക്ക് വാതസംബന്ധമായ വേദനയും വീക്കവും കുറയ്ക്കാനും, ശ്വാസകോശ സംബന്ധമായ പ്രശ്‌നങ്ങള്‍ക്കും, സ്ത്രീകള്‍ക്കുണ്ടാകുന്ന ആര്‍ത്തവ പ്രശ്‌നങ്ങള്‍ക്കും, ചര്‍മ്മ രോഗങ്ങള്‍ക്കും, കരള്‍ രോഗങ്ങള്‍ക്കും ഗുണങ്ങളുണ്ട്. വേദനയുള്ള ഭാഗത്ത് ചൂടുവെള്ളത്തില്‍ തിളപ്പിച്ച ഇല കൊണ്ടോ കിഴികെട്ടി ചൂടുപിടിക്കുന്നതിലൂടെയോ ആശ്വാസം ലഭിക്കും.  

വാതസംബന്ധമായ വേദനകള്‍ക്കും, സന്ധിവേദനകള്‍ക്കും, ശരീരവേദനകള്‍ക്കും ഇത് വളരെ ഫലപ്രദമാണ്. ജലദോഷം, ചുമ, തൊണ്ടവേദന എന്നിവയ്ക്കുള്ള കഷായത്തില്‍ ഇത് ഉപയോഗിക്കാം.

ഇലയിട്ട് തിളപ്പിച്ച വെള്ളത്തില്‍ ആവി പിടിക്കുന്നതും ഗുണം ചെയ്യും. ആര്‍ത്തവ ക്രമക്കേടുകള്‍, അമിത രക്തസ്രാവം തുടങ്ങിയ പ്രശ്‌നങ്ങള്‍ക്ക് നൊച്ചിയില ഉപയോഗിക്കാം. ഗര്‍ഭാശയത്തിലെ വീക്കം കുറയ്ക്കാനും ഇത് സഹായിക്കും. 

ചര്‍മ്മ അണുബാധകള്‍, കുരു, അള്‍സര്‍ എന്നിവയ്ക്ക് നൊച്ചിയിലയുടെ പേസ്റ്റ് പുരട്ടുന്നത് ഫലപ്രദമാണ്. കരള്‍ രോഗങ്ങളുടെ ചികിത്സയിലും നൊച്ചിയില ഫലപ്രദമാണെന്ന് കണ്ടെത്തിയിട്ടുണ്ട്. പനി, ത്വക്ക് രോഗങ്ങള്‍ എന്നിവയ്ക്കും ഇത് പ്രതിവിധിയായി ഉപയോഗിക്കാം.