പൊള്ളിയാല്‍ എത്രയും പെട്ടെന്ന് ചെയ്യാന്‍..

പൊള്ളിയ ഭാഗത്ത് ഉടന്‍ തന്നെ ശുദ്ധജലം ഒഴിക്കണം, അല്ലെങ്കില്‍ പൊള്ളിയ ഭാഗം തണുത്ത വെള്ളത്തില്‍ 15-20 മിനിറ്റ് മുക്കി വെക്കണം. കുമിളകള്‍ പൊട്ടിക്കരുത്. പൊള്ളിയ ഭാഗം വൃത്തിയുള്ള തുണി കൊണ്ട് മൂടുക, ശേഷം എത്രയും പെട്ടെന്ന് വൈദ്യസഹായം തേടുക, പ്രത്യേകിച്ച് പൊള്ളല്‍ ആഴത്തിലുള്ളതോ ശരീരത്തിന്റെ വലിയ ഭാഗത്താണെങ്കില്‍. അണുബാധ ഉണ്ടാകാന്‍ സാധ്യതയുള്ളതിനാല്‍ തേന്‍, പേസ്റ്റ്, വെണ്ണ തുടങ്ങിയവ പുരട്ടരുത്. 

തണുപ്പിക്കുക

പൊള്ളിയ ഭാഗത്ത് ഐസ് വയ്ക്കരുത്. ശുദ്ധജലമാണ് ഏറ്റവും നല്ലത്. 

കുമിളകള്‍ പൊട്ടിക്കരുത്

കുമിളകള്‍ പൊട്ടിയാല്‍ അണുബാധയുണ്ടാകാം. അവ പൊട്ടാതെ ശ്രദ്ധിക്കണം. 

തുടര്‍ ചികിത്സ

പൊള്ളലേറ്റ ഭാഗം വൃത്തിയുള്ള തുണി കൊണ്ടോ പോളിത്തീന്‍ കവര്‍ കൊണ്ടോ മൂടി ആശുപത്രിയിലേക്ക് പോകുക. 

ഡോക്ടറെ കാണുക

പൊള്ളല്‍ രണ്ടാമത്തെയും മൂന്നാമത്തെയും ഡിഗ്രിയിലുള്ളതാണെങ്കില്‍ വൈദ്യസഹായം തേടുക. പ്രമേഹമുള്ളവര്‍ക്ക് അണുബാധ ഉണ്ടാകാന്‍ സാധ്യത കൂടുതല്‍ ആയതിനാല്‍ കൂടുതല്‍ ശ്രദ്ധിക്കണം. 

ചെയ്യരുതാത്ത കാര്യങ്ങള്‍

പൊള്ളിയ ഭാഗത്ത് പേസ്റ്റ്, തേന്‍, വെണ്ണ, എണ്ണ, വെളിച്ചെണ്ണ തുടങ്ങിയവ പുരട്ടരുത്. ഇവ അണുബാധ ഉണ്ടാക്കാനും ചികിത്സയെ തടസ്സപ്പെടുത്താനും സാധ്യതയുണ്ട്. ഒട്ടിപ്പിടിച്ച വസ്ത്രങ്ങള്‍ ബലം പ്രയോഗിച്ച് നീക്കം ചെയ്യരുത്.