ഓര്‍മ്മശക്തിക്ക് നീല ശംഖുപുഷ്പം

നീല ശംഖുപുഷ്പത്തിന് നിരവധി ആരോഗ്യ ഗുണങ്ങളുണ്ട്. ഇത് തലച്ചോറിന്റെ പ്രവര്‍ത്തനം മെച്ചപ്പെടുത്താനും ഓര്‍മ്മശക്തി വര്‍ദ്ധിപ്പിക്കാനും സഹായിക്കും. കൂടാതെ, പ്രമേഹം, ഉയര്‍ന്ന രക്തസമ്മര്‍ദ്ദം എന്നിവ നിയന്ത്രിക്കാനും, ശരീരത്തിലെ വിഷാംശത്തെ പുറന്തള്ളാനും, ചര്‍മ്മത്തിന്റെയും മുടിയുടെയും ആരോഗ്യം മെച്ചപ്പെടുത്താനും ശംഖുപുഷ്പം ഉപയോഗിക്കുന്നു. 

തലച്ചോറിന്റെ പ്രവര്‍ത്തനങ്ങളെ മെച്ചപ്പെടുത്തുന്ന അസറ്റൈല്‍ കൊളൈന്‍ എന്ന ഘടകം ശംഖുപുഷ്പത്തിലുണ്ട്. ഇത് ഓര്‍മ്മശക്തിയും ഏകാഗ്രതയും വര്‍ദ്ധിപ്പിക്കാന്‍ സഹായിക്കും.

രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും. ഉയര്‍ന്ന രക്തസമ്മര്‍ദ്ദം നിയന്ത്രിക്കാനും കൊളസ്‌ട്രോളിന്റെ അളവ് ക്രമീകരിക്കാനും സഹായിക്കും. ശരീരത്തിലെ വിഷാംശത്തെ പുറന്തള്ളാന്‍ സഹായിക്കുന്നു.

ധാരാളം ആന്റിഓക്സിഡന്റുകള്‍ അടങ്ങിയിട്ടുള്ളതിനാല്‍ അകാല വാര്‍ദ്ധക്യം തടയാനും ചര്‍മ്മകോശങ്ങള്‍ക്ക് കേടുപാടുകള്‍ സംഭവിക്കുന്നത് പരിഹരിക്കാനും ഇത് സഹായിക്കും. 
മുടികൊഴിച്ചില്‍, നര എന്നിവയെ തടയാന്‍ സഹായിക്കും.

ദഹനം മെച്ചപ്പെടുത്താനും മലബന്ധം പോലുള്ള പ്രശ്‌നങ്ങള്‍ തടയാനും സഹായിക്കും. മാനസിക സമ്മര്‍ദ്ദം, ഉത്കണ്ഠ, ഉറക്കമില്ലായ്മ എന്നിവയ്ക്ക് പരിഹാരമായി ഉപയോഗിക്കാം. രോഗപ്രതിരോധ ശേഷി വര്‍ദ്ധിപ്പിക്കാനും ഇത് സഹായിക്കും. അലര്‍ജിക്കും പ്രതിവിധിയായി ഇത് ഉപയോഗിക്കാം.