രക്തം കട്ട പിടിക്കുന്നത് തടയാന്‍ ഷമാം

ഷമാം (മസ്‌ക് മെലണ്‍) വിറ്റാമിനുകള്‍, ധാതുക്കള്‍, നാരുകള്‍ എന്നിവയാല്‍ സമ്പന്നമായ ഒരു പഴമാണ്. ഇത് ദഹനസംബന്ധമായ പ്രശ്‌നങ്ങള്‍ പരിഹരിക്കാനും പ്രതിരോധശേഷി വര്‍ദ്ധിപ്പിക്കാനും ചര്‍മ്മത്തിന്റെ ആരോഗ്യത്തിനും ഹൃദയത്തെ സംരക്ഷിക്കാനും സഹായിക്കുന്നു. കൂടാതെ, ശരീരത്തില്‍ ജലാംശം നിലനിര്‍ത്താനും കാഴ്ചശക്തി മെച്ചപ്പെടുത്താനും ഷമാം നല്ലതാണ്. 

ഷമാമില്‍ നാരുകള്‍ ധാരാളം അടങ്ങിയിട്ടുള്ളതിനാല്‍ അസിഡിറ്റി, ഗ്യാസ്, മലബന്ധം തുടങ്ങിയ ദഹന പ്രശ്‌നങ്ങളെ ലഘൂകരിക്കാന്‍ സഹായിക്കുന്നു. വിറ്റാമിന്‍ സി ധാരാളമുള്ളതിനാല്‍ ശരീരത്തിന്റെ പ്രതിരോധശക്തി വര്‍ദ്ധിപ്പിക്കാനും രോഗങ്ങളെ ചെറുക്കാനും ഷമാം സഹായിക്കും. 

ഷമാമിലെ പൊട്ടാസ്യം രക്തസമ്മര്‍ദ്ദം നിയന്ത്രിക്കാനും രക്തം കട്ടപിടിക്കുന്നത് തടയാനും സഹായിക്കുന്നു. വിറ്റാമിന്‍ സി കൊളാജന്‍ ഉത്പാദനത്തെ പ്രോത്സാഹിപ്പിക്കുകയും ചര്‍മ്മത്തെ മൃദലവും ആരോഗ്യ പൂര്‍ണ്ണമാക്കുകയും ചെയ്യുന്നു. 

ബീറ്റാ കരോട്ടിന്‍ അടങ്ങിയിട്ടുള്ള ഷമാം വിറ്റാമിന്‍ എ ആയി ശരീരത്തില്‍ മാറുകയും കാഴ്ചശക്തി മെച്ചപ്പെടുത്താനും തിമിരം പോലുള്ള പ്രശ്‌നങ്ങള്‍ തടയാനും സഹായിക്കുകയും ചെയ്യുന്നു. 
ഷമാമില്‍ ഉയര്‍ന്ന അളവില്‍ ജലാംശം അടങ്ങിയിട്ടുള്ളതിനാല്‍ ശരീരത്തിലെയും ചര്‍മ്മത്തിലെയും ഈര്‍പ്പം നിലനിര്‍ത്താന്‍ ഇത് സഹായിക്കും. 

ശക്തമായ ആന്റി ഓക്സിഡന്റ്, ആന്റി-ഇന്‍ഫ്‌ലമേറ്ററി ഗുണങ്ങളുള്ള ഷമാം ശരീരത്തിലെ ഓക്സിഡേറ്റീവ് സമ്മര്‍ദ്ദം കുറയ്ക്കുകയും കാന്‍സറിനുള്ള സാധ്യത ലഘൂകരിക്കുകയും ചെയ്യും.