പല്ല് പുളിപ്പിന്റെ കാരണങ്ങളറിയാം...

പല്ല് പുളിപ്പ് (സെന്‍സിറ്റിവിറ്റി) എന്നത് ചൂടുള്ളതോ തണുത്തതോ മധുരമുള്ളതോ ആയ ആഹാരപദാര്‍ത്ഥങ്ങള്‍ കഴിക്കുമ്പോള്‍ പല്ലുകളില്‍ അനുഭവപ്പെടുന്ന അസ്വസ്ഥതയാണ്. ഇതിന് നിരവധി കാരണങ്ങളുണ്ട്. 

ദന്തക്ഷയം 

പല്ലിന്റെ ഇനാമല്‍ നഷ്ടപ്പെടുമ്പോള്‍, ഡെന്റീന്‍ എന്നറിയപ്പെടുന്ന ഉള്‍ഭാഗം പുറത്തുവരും. ഇത് പുളിപ്പിന് കാരണമാകുന്നു.

പല്ലിന്റെ തേയ്മാനം 

പല്ലിന്റെ ഇനാമല്‍ തേഞ്ഞുപോകുമ്പോള്‍ പുളിപ്പ് അനുഭവപ്പെടാം. ബ്രഷിങ് രീതി ശരിയല്ലാത്തതും, രാത്രികാലങ്ങളില്‍ പല്ല് കടിക്കുന്നതും, ആസിഡ് കൂടുതലുള്ള ഭക്ഷണങ്ങള്‍ കഴിക്കുന്നതും ഇതിന് കാരണമാകാം.

മോണരോഗങ്ങള്‍

മോണരോഗങ്ങള്‍ കാരണം മോണ താഴേക്ക് ഇറങ്ങുമ്പോള്‍, പല്ലിന്റെ വേരിന്റെ ഭാഗം പുറത്തേക്ക് വരും. ഇത് പുളിപ്പിന് കാരണമാകുന്നു.

തെറ്റായ ബ്രഷിങ് രീതി 

പല്ല് തേയ്ക്കുന്ന രീതി ശരിയല്ലെങ്കില്‍ പുളിപ്പ് അനുഭവപ്പെടാം. മൃദുവായ ബ്രഷ് ഉപയോഗിച്ച് പല്ലുകള്‍ ശരിയായ രീതിയില്‍ തേയ്ക്കുന്നത് നല്ലതാണ്.

പല്ലില്‍ അമിതമായി ബലം പ്രയോഗിക്കുന്നത് 

പല്ലില്‍ അമിതമായി ബലം പ്രയോഗിക്കുമ്പോള്‍ ചില ഭാഗങ്ങളില്‍ പുളിപ്പ് അനുഭവപ്പെടാം.