ദഹനം മെച്ചപ്പെടുത്താനും ശരീരഭാരം നിയന്ത്രിക്കാനും ബദാം...

നിരവധി ആരോഗ്യ ഗുണങ്ങളുള്ള ഒരു പരിപ്പുവര്‍ഗമാണ് ബദാം. ഇതില്‍ വിറ്റാമിന്‍ ഇ, മഗ്‌നീഷ്യം, നാരുകള്‍, പ്രോട്ടീന്‍ എന്നിവ ധാരാളമായി അടങ്ങിയിട്ടുണ്ട്. കുതിര്‍ത്ത ബദാം കഴിക്കുന്നത് ദഹനം മെച്ചപ്പെടുത്താനും ശരീരഭാരം നിയന്ത്രിക്കാനും രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു. ബദാം ചര്‍മ്മത്തിനും തലമുടിക്കും വളരെ നല്ലതാണ്.

ഹൃദയാരോഗ്യം

ബദാമില്‍ അടങ്ങിയിട്ടുള്ള ആരോഗ്യകരമായ കൊഴുപ്പുകള്‍ ഹൃദയത്തിന് വളരെ നല്ലതാണ്. ഇത് ചീത്ത കൊളസ്‌ട്രോളിന്റെ അളവ് കുറയ്ക്കുകയും നല്ല കൊളസ്‌ട്രോളിന്റെ അളവ് കൂട്ടുകയും ചെയ്യുന്നു. 

രക്തത്തിലെ പഞ്ചസാരയുടെ അളവ് നിയന്ത്രിക്കുന്നു

ബദാം പ്രമേഹരോഗികള്‍ക്ക് വളരെ നല്ലതാണ്. ഇതിന് കുറഞ്ഞ ഗ്ലൈസെമിക് സൂചികയാണുള്ളത്, അതിനാല്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു.
 
ശരീരഭാരം നിയന്ത്രിക്കുന്നു

ബദാമില്‍ നാരുകളും പ്രോട്ടീനും ധാരാളമായി അടങ്ങിയിട്ടുണ്ട്. ഇത് വിശപ്പ് കുറയ്ക്കാനും ശരീരഭാരം നിയന്ത്രിക്കാനും സഹായിക്കുന്നു. 

ചര്‍മ്മത്തിന്റെയും മുടിയുടെയും ആരോഗ്യം

ബദാമില്‍ വിറ്റാമിന്‍ ഇ ധാരാളമായി അടങ്ങിയിട്ടുണ്ട്. ഇത് ചര്‍മ്മത്തിന് തിളക്കം നല്‍കാനും പ്രായമാകുന്നതിന്റെ ലക്ഷണങ്ങളെ തടയാനും സഹായിക്കുന്നു. അതുപോലെ, മുടിയുടെ വളര്‍ച്ചയെ ത്വരിതപ്പെടുത്താനും ഇത് സഹായിക്കുന്നു. 

തലച്ചോറിന്റെ ആരോഗ്യം

ബദാമില്‍ വിറ്റാമിന്‍ ഇ ധാരാളമായി അടങ്ങിയിട്ടുണ്ട്. ഇത് തലച്ചോറിന്റെ പ്രവര്‍ത്തനത്തെ മെച്ചപ്പെടുത്താനും ഓര്‍മ്മശക്തി കൂട്ടാനും സഹായിക്കുന്നു. 

ദഹനം മെച്ചപ്പെടുത്തുന്നു

ബദാം കുതിര്‍ത്ത് കഴിക്കുന്നത് ദഹനം എളുപ്പമാക്കുന്നു. ഇത് മലബന്ധം പോലുള്ള ദഹന പ്രശ്‌നങ്ങളെ അകറ്റാനും സഹായിക്കുന്നു. 

ശക്തമായ ആന്റി ഓക്‌സിഡന്റ്

ബദാമില്‍ ധാരാളം ആന്റി ഓക്‌സിഡന്റുകള്‍ അടങ്ങിയിട്ടുണ്ട്. ഇത് ശരീരത്തിലെ ഫ്രീ റാഡിക്കലുകളെ തടയുകയും കോശങ്ങളെ സംരക്ഷിക്കുകയും ചെയ്യുന്നു. 

ബദാം ദിവസവും കഴിക്കുന്നത് ആരോഗ്യത്തിന് വളരെ നല്ലതാണ്. ഇത് ശരീരത്തിന് ആവശ്യമായ പോഷകങ്ങള്‍ നല്‍കുകയും വിവിധ രോഗങ്ങളെ അകറ്റുകയും ചെയ്യുന്നു.