ക്യാന്‍സര്‍ സാധ്യത കുറയ്ക്കും; കടുക് എണ്ണയുടെ അഞ്ച് ഉപയോഗങ്ങള്‍

വെജിറ്റേറിയന്‍ ഭക്ഷണങ്ങളിലും നിങ്ങള്‍ക്ക് പ്രധാന ചേരുവയായി കടുക് എണ്ണ ഉപയോഗിക്കാം. കൂടാതെ നോണ്‍വെജിറ്റേറിയന്‍ ഭക്ഷണവിഭവങ്ങളും. 

സാലഡ് ഡ്രസ്സിംഗ് ഉണ്ടാക്കാന്‍ ഇത് നാരങ്ങയും തേനും ചേര്‍ത്ത് ഉപയോഗിക്കാം. അച്ചാറുകളിലും കടുകെണ്ണ ഒരു സാധാരണ ചേരുവയാണ്. അച്ചാറുകളിലും ചട്ണികളിലും ചേര്‍ക്കുമ്പോള്‍, ഇത് ഒരു പ്രിസര്‍വേറ്റീവായി പ്രവര്‍ത്തിക്കുന്നു.

കടുക് എണ്ണ മൈലാഞ്ചിയില ചേര്‍ത്ത് ചൂടാക്കി തണുപ്പിച്ച് മുടിയില്‍ പുരട്ടുന്നത് മുടി വളര്‍ച്ചയെ പ്രോത്സാഹിപ്പിക്കുകയും രോമകൂപങ്ങളെ ശക്തിപ്പെടുത്തുകയും ചെയ്യുമെന്ന് വിശ്വസിക്കപ്പെടുന്നു.
ചര്‍മ്മത്തിലെ കരുവാളിപ്പ് അകറ്റാനും, പ്രായാധിക്യത്തിന്റെ ഫലങ്ങള്‍ കുറയ്ക്കാനും, ചൊറിച്ചിലും ചുവപ്പും കുറയ്ക്കാനും, എണ്ണ ചര്‍മ്മത്തില്‍ 10 മിനിറ്റ് നേരം പുരട്ടുക.

ജലദോഷത്തിനും ചുമയ്ക്കും ആശ്വാസം നല്‍കാന്‍ കടുക് എണ്ണ ഉപയോഗിക്കുന്നതിനുള്ള മാര്‍ഗമാണ് നീരാവി തെറാപ്പി. കുറച്ച് കാരവേ വിത്തുകളും ഒരു തുള്ളി കടുക് എണ്ണയും ചേര്‍ത്ത ശേഷം ഒരു കെറ്റില്‍ തിളച്ച വെള്ളത്തില്‍ നിന്ന് നീരാവി ശ്വസിക്കുക. ഇത് ശ്വസനനാളിയില്‍ അടിഞ്ഞുകൂടുന്ന കഫം നീക്കം ചെയ്യും.

കടുക് എണ്ണയ്ക്ക് കാന്‍സര്‍ വിരുദ്ധ ഫലങ്ങളുണ്ട്. ഇതില്‍ ധാരാളം ലിനോലെനിക് ആസിഡ് അടങ്ങിയിട്ടുണ്ട്. ഒരു പഠനമനുസരിച്ച്, ഈ ആസിഡ് വന്‍കുടല്‍ കാന്‍സറിന്റെ തീവ്രത കുറയ്ക്കും.