ലൈംഗിക ശേഷി വര്‍ദ്ധിപ്പിക്കാന്‍ കരിംജീരകം

കരിംജീരകം വെള്ളത്തില്‍ കുതിര്‍ത്തോ, കരിംജീരക തൈലം ഓറഞ്ച് ജ്യൂസ് പോലുള്ള ജ്യൂസുകളില്‍ കലര്‍ത്തി കുടിച്ചോ ഉപയോഗിക്കാം. 

ഇത് ശരീരഭാരം കുറയ്ക്കുന്നതിനും വീക്കം കുറയ്ക്കുന്നതിനും അള്‍സര്‍ പോലുള്ള വയറ്റിലെ പ്രശ്‌നങ്ങളെ പ്രതിരോധിക്കുന്നതിനും സഹായിക്കും. ലൈംഗിക ശേഷി വര്‍ദ്ധിപ്പിക്കാനും സ്ത്രീകളുടെ ആര്‍ത്തവ സംബന്ധമായ പ്രശ്‌നങ്ങള്‍ പരിഹരിക്കാനും ഇത് നല്ലതാണ്.
 
വെള്ളത്തില്‍ കുതിര്‍ത്ത്: രാത്രി ഒരു ഗ്ലാസ് വെള്ളത്തില്‍ രണ്ട് ടീസ്പൂണ്‍ കരിംജീരകം ഇട്ട് വച്ച് പിറ്റേന്ന് രാവിലെ വെറും വയറ്റില്‍ കുടിക്കാം. ഇത് ശരീരഭാരം കുറയ്ക്കാന്‍ സഹായിക്കുമെന്നും വിശപ്പ് നിയന്ത്രിക്കുമെന്നും പറയപ്പെടുന്നു. 

കരിംജീരക തൈലം ഉപയോഗിക്കാം: കരിംജീരക തൈലം ഓറഞ്ച് ജ്യൂസിലോ നാരങ്ങാനീരിലോ കലര്‍ത്തി കുടിക്കാം. ഇത് ലൈംഗിക ശേഷി വര്‍ദ്ധിപ്പിക്കാനും വൃഷണങ്ങളിലെ നീര്‍വീക്കം കുറയ്ക്കാനും സഹായിക്കും.
 
അച്ചാറുകളിലും ഭക്ഷണങ്ങളിലും: കരിംജീരകം വറുത്ത് പൊടിച്ച് അച്ചാറുകളിലും മറ്റ് ഭക്ഷണങ്ങളിലും ചേര്‍ത്ത് ഉപയോഗിക്കാം. 

കരിംജീരകത്തില്‍ ചില ബയോആക്ടീവ് ഘടകങ്ങള്‍ അടങ്ങിയിട്ടുണ്ട്. ഇവ ശരീരത്തിന് ഗുണകരമാണെങ്കിലും, അലര്‍ജിയുള്ളവര്‍ ഇത് കഴിക്കുമ്പോള്‍ ശ്രദ്ധിക്കണം. ചര്‍മ്മത്തില്‍ ചൊറിച്ചില്‍, വീക്കം, ശ്വാസമെടുക്കാന്‍ ബുദ്ധിമുട്ട് തുടങ്ങിയ പ്രശ്‌നങ്ങള്‍ ഉള്ളവര്‍ ഡോക്ടറെ സമീപിച്ചതിന് ശേഷം മാത്രം കരിംജീരകം ഉപയോഗിക്കുക.