ശ്വാസകോശ സംബന്ധമായ രോഗങ്ങള്‍ മാറാന്‍ കായംപൊടി

കായം പൊടി ദഹനവ്യവസ്ഥയെ മെച്ചപ്പെടുത്തുകയും ശ്വാസകോശ സംബന്ധമായ പ്രശ്‌നങ്ങളില്‍ നിന്ന് ആശ്വാസം നല്‍കുകയും ചെയ്യുന്നു. ഇത് ശരീരഭാരം കുറയ്ക്കാന്‍ സഹായിക്കുകയും രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യും. കൂടാതെ, ആന്റിഓക്സിഡന്റുകള്‍ അടങ്ങിയതിനാല്‍ ഫ്രീ റാഡിക്കലുകളില്‍ നിന്ന് കോശങ്ങളെ സംരക്ഷിക്കാനും സഹായിക്കും. 

ദഹനവ്യവസ്ഥയില്‍ നിന്ന് ടോക്‌സിനുകളെ നീക്കം ചെയ്യാനും ദഹനരസങ്ങള്‍ വര്‍ദ്ധിപ്പിക്കാനും കായം സഹായിക്കും. മലബന്ധം, വായുകോപം, അസിഡിറ്റി തുടങ്ങിയ പ്രശ്‌നങ്ങള്‍ ഒഴിവാക്കാന്‍ ഇത് നല്ലതാണ്. 

ചുമ, ജലദോഷം, തൊണ്ടവേദന, ആസ്മ പോലുള്ള ശ്വാസകോശ സംബന്ധമായ അസുഖങ്ങള്‍ക്ക് കായം നല്ലതാണ്. കായം ഇളം ചൂടുവെള്ളത്തില്‍ കലര്‍ത്തി കുടിക്കുന്നത് ശരീരഭാരം കുറയ്ക്കാന്‍ സഹായിക്കും. ഇത് ഉപാപചയ പ്രവര്‍ത്തനം വേഗത്തിലാക്കാനും കൊഴുപ്പ് കരിച്ചു കളയാനും സഹായിക്കും.

കായത്തില്‍ അടങ്ങിയ ഫിനോളിക് സംയുക്തങ്ങള്‍, ടാന്നിന്‍സ്, ഫ്‌ലേവനോയ്ഡുകള്‍ എന്നിവ ശക്തമായ ആന്റിഓക്സിഡന്റ് ഗുണങ്ങള്‍ നല്‍കുന്നു. മാനസിക സമ്മര്‍ദ്ദം കുറയ്ക്കാനും മനോനില മെച്ചപ്പെടുത്താനും ഇത് സഹായിക്കും. രക്തത്തിലെ പഞ്ചസാരയുടെ അളവ് ക്രമീകരിക്കാന്‍ കായം സഹായിക്കും.