ആര്‍ത്തവ സമയത്ത് ദേഷ്യം കൂടുതലാണോ..?

ആര്‍ത്തവ സമയത്ത് ദേഷ്യംവരുന്നത് സാധാരണമാണ്. ഇത് ഹോര്‍മോണ്‍ വ്യതിയാനങ്ങള്‍ കാരണം സംഭവിക്കുന്നതാണ്. ആര്‍ത്തവത്തിന് തൊട്ടുമുന്‍പും ആര്‍ത്തവ സമയത്തും ഈസ്ട്രജന്‍, പ്രൊജസ്‌ട്രോണ്‍ തുടങ്ങിയ ഹോര്‍മോണുകളുടെ അളവില്‍ ഏറ്റക്കുറച്ചിലുകള്‍ ഉണ്ടാകുന്നു.

ഇത് മാനസികാവസ്ഥയെ ബാധിക്കുകയും ദേഷ്യം, വിഷാദം, ഉത്കണ്ഠ തുടങ്ങിയ വികാരങ്ങള്‍ക്ക് കാരണമാവുകയും ചെയ്യും. മറ്റ് പല കാരണങ്ങളും ദേഷ്യത്തിന് പിന്നിലുണ്ടാകാം.

ശാരീരിക ബുദ്ധിമുട്ടുകള്‍

ആര്‍ത്തവ സമയത്ത് വയറുവേദന, പേശീ വേദന, ക്ഷീണം തുടങ്ങിയ ശാരീരിക ബുദ്ധിമുട്ടുകള്‍ അനുഭവപ്പെടുന്നത് ദേഷ്യത്തിന് കാരണമാകും. 

ഉറക്കക്കുറവ്

ആര്‍ത്തവ സമയത്ത് ഉറങ്ങാന്‍ ബുദ്ധിമുട്ടുണ്ടാകുന്നത് മാനസികാവസ്ഥയെ പ്രതികൂലമായി ബാധിക്കും. 

മാനസിക സമ്മര്‍ദ്ദം

ജോലി സംബന്ധമായോ വ്യക്തിപരമായോ ഉള്ള സമ്മര്‍ദ്ദങ്ങള്‍ ആര്‍ത്തവ സമയത്ത് ദേഷ്യം വര്‍ദ്ധിപ്പിക്കും.