സാമ്പാര്‍ ചീരയില്‍ വിറ്റാമിന്‍ എ ധാരാളം

സാമ്പാര്‍ ചീരയില്‍ വിറ്റാമിന്‍ എ, സി, കാത്സ്യം, ഫോസ്ഫറസ്, ഇരുമ്പ് എന്നിവ ധാരാളം അടങ്ങിയിട്ടുണ്ട്. രോഗങ്ങളെ പ്രതിരോധിക്കാനുള്ള ശരീരത്തിന്റെ കഴിവ് കൂട്ടുന്നു. ഇതിലെ വിറ്റാമിന്‍ എ കണ്ണിന്റെ ആരോഗ്യത്തിന് നല്ലതാണ്, ഒപ്പം തലച്ചോറിന്റെ ആരോഗ്യത്തെയും ഇത് സഹായിക്കും. 

രക്തകോശങ്ങളുടെ ഉത്പാദനം വര്‍ദ്ധിപ്പിച്ച് വിളര്‍ച്ച മാറ്റാന്‍ സഹായിക്കും. ദഹനപ്രശ്‌നങ്ങള്‍ പരിഹരിക്കാനും മലബന്ധം ഒഴിവാക്കാനും ഇത് ഉപകരിക്കും. കലോറി വളരെ കുറഞ്ഞ ഒരു ഭക്ഷണമായതിനാല്‍ ശരീരഭാരം നിയന്ത്രിക്കാന്‍ ആഗ്രഹിക്കുന്നവര്‍ക്ക് ഡയറ്റില്‍ ഉള്‍പ്പെടുത്താം.