കറുത്ത ഉണക്ക മുന്തിരിയില്‍ ഫൈബര്‍ ധാരാളം

കറുത്ത ഉണക്ക മുന്തിരിയില്‍ ഫൈബര്‍ ധാരാളമായി അടങ്ങിയിരിക്കുന്നതിനാല്‍ ദഹനത്തെ സുഗമമാക്കാനും കുടല്‍ വൃത്തിയാക്കാനും ഇത് സഹായിക്കുന്നു. ഇരുമ്പിന്റെയും വിറ്റാമിന്‍ ബി കോംപ്ലക്‌സിന്റെയും ഉറവിടമായതിനാല്‍ ചുവന്ന രക്താണുക്കളുടെ ഉത്പാദനം വര്‍ദ്ധിപ്പിക്കാനും വിളര്‍ച്ച ഇല്ലാതാക്കാനും ഇത് സഹായിക്കും. പ്രകൃതിദത്തമായ പഞ്ചസാരയായ ഫ്രക്ടോസ്, ഗ്ലൂക്കോസ് എന്നിവ അടങ്ങിയതിനാല്‍ പെട്ടെന്ന് ഊര്‍ജ്ജം നല്‍കാന്‍ ഇതിന് കഴിയും. 

ആന്റിഓക്സിഡന്റുകള്‍ ധാരാളമായി അടങ്ങിയിരിക്കുന്നതിനാല്‍ ശരീരത്തിന്റെ പ്രതിരോധശേഷി വര്‍ദ്ധിപ്പിക്കുന്നു. വിറ്റാമിന്‍ സി, വിറ്റാമിന്‍ ഇ, ആന്റിഓക്സിഡന്റുകള്‍ എന്നിവ അടങ്ങിയിരിക്കുന്നതിനാല്‍ ചര്‍മ്മത്തിനും മുടിക്കും തിളക്കം നല്‍കാനും ആരോഗ്യമുറപ്പെടുത്താനും സഹായിക്കുന്നു. 

പൊട്ടാസ്യം, മഗ്നീഷ്യം എന്നിവ അടങ്ങിയിട്ടുള്ളതിനാല്‍ രക്തസമ്മര്‍ദ്ദം കുറയ്ക്കാനും ചീത്ത കൊളസ്ട്രോള്‍ നിയന്ത്രിക്കാനും സഹായിക്കുന്നു. കാത്സ്യം അടങ്ങിയിട്ടുള്ളതിനാല്‍ എല്ലുകള്‍ക്ക് ബലം നല്‍കാനും ഓസ്റ്റിയോപൊറോസിസ് സാധ്യത കുറയ്ക്കാനും സഹായിക്കും.