പോഷകസമ്പുഷ്ടം വന്‍പയര്‍

വന്‍പയര്‍ ഒരു പോഷകസമ്പുഷ്ടമായ ഭക്ഷണമാണ്. ഇതില്‍ ഫൈബര്‍, പ്രോട്ടീന്‍, വിറ്റാമിനുകള്‍, ധാതുക്കള്‍ എന്നിവ ധാരാളമായി അടങ്ങിയിട്ടുണ്ട്. രക്തസമ്മര്‍ദ്ദം നിയന്ത്രിക്കാനും കൊളസ്ട്രോള്‍ കുറയ്ക്കാനും ഇത് സഹായിക്കുന്നു. ദഹനസംബന്ധമായ പ്രശ്‌നങ്ങള്‍ പരിഹരിക്കാനും, ശരീരഭാരം നിയന്ത്രിക്കാനും, പ്രതിരോധശേഷി വര്‍ദ്ധിപ്പിക്കാനും, എല്ലുകളുടെയും കണ്ണിന്റെയും ആരോഗ്യം മെച്ചപ്പെടുത്താനും വന്‍പയര്‍ ഗുണകരമാണ്. 

വന്‍പയറിലുള്ള ഫൈബര്‍ ചീത്ത കൊളസ്ട്രോള്‍ കുറയ്ക്കാനും രക്തസമ്മര്‍ദ്ദം നിയന്ത്രിക്കാനും സഹായിക്കുന്നു. ഇതിലടങ്ങിയിട്ടുള്ള ഫൈബറും ഉയര്‍ന്ന ഗ്ലൈസെമിക് ഇന്‍ഡെക്‌സ് കുറവായതിനാല്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു. 

പ്രോട്ടീനും ഫൈബറും ധാരാളം അടങ്ങിയിട്ടുള്ളതിനാല്‍ വിശപ്പ് കുറയ്ക്കാനും ശരീരഭാരം നിയന്ത്രിക്കാനും ഇത് സഹായിക്കുന്നു. നാരുകള്‍ ധാരാളം അടങ്ങിയിട്ടുള്ളതിനാല്‍ ദഹനത്തെ സഹായിക്കാനും മലബന്ധം അകറ്റാനും ഇത് ഗുണകരമാണ്. 

വിറ്റാമിന്‍ ബി1 (ജീവകം ബി1) അടങ്ങിയിട്ടുള്ളതിനാല്‍ ശരീരത്തിന് ആവശ്യമായ ഊര്‍ജ്ജം നല്‍കാനും മാനസികമായ ഉണര്‍വ് വര്‍ദ്ധിപ്പിക്കാനും ഇത് സഹായിക്കുന്നു. വന്‍പയറിലുള്ള ആന്റിഓക്സിഡന്റുകള്‍ ശരീരത്തിന്റെ പ്രതിരോധശേഷി വര്‍ദ്ധിപ്പിക്കാനും രോഗങ്ങളെ പ്രതിരോധിക്കാനും സഹായിക്കുന്നു. 

കാത്സ്യം, മാംഗനീസ്, വിറ്റാമിന്‍ കെ തുടങ്ങിയ ധാതുക്കള്‍ എല്ലുകളുടെയും കണ്ണിന്റെയും ആരോഗ്യത്തിന് വളരെ നല്ലതാണ്. ശരീരത്തിലെ ഫ്രീ റാഡിക്കലുകളെ ഇല്ലാതാക്കുന്ന ആന്റിഓക്സിഡന്റുകള്‍ അടങ്ങിയിട്ടുള്ളതുകൊണ്ട് ചര്‍മ്മത്തിലെ ചുളിവുകള്‍ അകറ്റാനും മുടിയുടെ ആരോഗ്യം വര്‍ദ്ധിപ്പിക്കാനും ഇത് സഹായിക്കും.