പന്നിയിറച്ചിയിലെ ആരോഗ്യ പ്രശ്‌നങ്ങള്‍

പന്നിയിറച്ചി കഴിക്കുന്നതുമൂലമുള്ള പ്രധാന ദോഷങ്ങള്‍ മനുഷ്യരിലേക്ക് രോഗങ്ങള്‍ പകരാനുള്ള സാധ്യതയും, അതില്‍ അടങ്ങിയിരിക്കുന്ന അണുക്കള്‍ മൂലമുള്ള ആരോഗ്യ പ്രശ്‌നങ്ങളുമാണ്. 

നന്നായി വേവിക്കാത്ത പന്നിയിറച്ചി കഴിച്ചാല്‍ ടേപ്പ്വിരയുടെ മുട്ടകള്‍ ശരീരത്തിലെത്താം. ഇവ പിന്നീട് രക്തത്തിലൂടെ തലച്ചോറ്, കണ്ണ്, ഹൃദയം തുടങ്ങിയ ശരീരഭാഗങ്ങളിലെത്തി സിസ്റ്റുകള്‍ രൂപപ്പെടുത്തുകയും ന്യൂറോസിസ്റ്റിസെര്‍കോസിസ് എന്ന അവസ്ഥ ഉണ്ടാക്കുകയും ചെയ്യും. ഇതിന് തലവേദന, അപസ്മാരം, ബോധക്ഷയം തുടങ്ങിയ ലക്ഷണങ്ങളുണ്ടാകാം. 

പന്നിയിറച്ചി, പ്രത്യേകിച്ച് കരള്‍, ഹെപ്പറ്റൈറ്റിസ് ഇ വൈറസ് വഹിക്കുന്നു. ഇത് ഗുരുതരമായ സങ്കീര്‍ണതകളിലേക്ക് നയിക്കുകയും ചിലരില്‍ മരണ കാരണമാകുകയും ചെയ്യാം. പന്നിയിറച്ചിയിലെ ഉയര്‍ന്ന അളവിലുള്ള പൂരിത കൊഴുപ്പും കൊളസ്‌ട്രോളും ഹൃദയ സംബന്ധമായ അസുഖങ്ങള്‍ക്കും പ്രമേഹത്തിനും കാരണമാകാം.