കൂടുതല്‍ ഔഷധഗുണം വെള്ള ശംഖുപുഷ്പത്തിനോ? നീലയ്‌ക്കോ..?

വെള്ള, നീല നിറങ്ങളില്‍ കാണപ്പെടുന്ന ശംഖു പുഷ്പങ്ങളില്‍ വെള്ള ശംഖുപുഷ്പത്തിനാണ് ഔഷധഗുണങ്ങള്‍ കൂടുതല്‍. വെള്ള ശംഖുപുഷ്പത്തിന് നിരവധി ഔഷധഗുണങ്ങളുണ്ട്. ഇത് തലച്ചോറിന്റെ ആരോഗ്യം വര്‍ദ്ധിപ്പിക്കാനും ഓര്‍മ്മശക്തി കൂട്ടാനും സഹായിക്കുന്നു.

കൂടാതെ, ശരീരത്തിലെ വിഷാംശം നീക്കം ചെയ്യാനും പ്രമേഹത്തെ നിയന്ത്രിക്കാനും ശംഖുപുഷ്പം ഉപയോഗിക്കാം.  പ്രതിരോധശേഷി വര്‍ദ്ധിപ്പിക്കാനും, മുടിക്കും ചര്‍മ്മത്തിനും ആരോഗ്യം നല്‍കാനും ഇത് സഹായിക്കുന്നു. 

അസറ്റൈല്‍ കോളിന്റെ ഉത്പാദനം വര്‍ദ്ധിപ്പിച്ച് തലച്ചോറിന്റെ പ്രവര്‍ത്തനങ്ങളെ മെച്ചപ്പെടുത്തുകയും ഓര്‍മ്മശക്തി കൂട്ടുകയും ചെയ്യുന്നു. 

ശംഖുപുഷ്പത്തില്‍ അടങ്ങിയിരിക്കുന്ന ആന്റിഓക്സിഡന്റുകള്‍ ശരീരത്തിന്റെ പ്രതിരോധശേഷി കൂട്ടാന്‍ സഹായിക്കും. ശരീരത്തിലെ വിഷാംശങ്ങളെ പുറന്തള്ളാനും, വിഷാദരോഗങ്ങള്‍ കുറയ്ക്കാനും ഇത് സഹായിക്കുമെന്ന് പറയപ്പെടുന്നു. 

രക്തത്തിലെ പഞ്ചസാരയുടെ അളവ് നിയന്ത്രിക്കാനും ഭക്ഷണത്തില്‍ നിന്നുള്ള ഗ്ലൂക്കോസിന്റെ ആഗിരണം നിയന്ത്രിക്കാനും ശംഖുപുഷ്പത്തിന് കഴിവുണ്ട്. ശരീരവേദന, തലവേദന, സന്ധിവേദന എന്നിവയ്ക്ക് ശമനം നല്‍കാന്‍ ശംഖുപുഷ്പം സഹായിക്കും. 

ചര്‍മ്മത്തിലെ അകാല വാര്‍ദ്ധക്യ ലക്ഷണങ്ങളെ തടയുകയും, മുടികൊഴിച്ചില്‍, നര എന്നിവയെ പ്രതിരോധിക്കുകയും ചെയ്യുന്നു. ദഹനവ്യവസ്ഥയെ മെച്ചപ്പെടുത്താനും, ശ്വാസകോശത്തില്‍ നിന്നുള്ള കഫം ഇല്ലാതാക്കാനും ഇത് സഹായിക്കുന്നു.