വിറ്റാമിന്‍ എ ധാരാളം; കാഴ്ചശക്തി കൂട്ടാന്‍ ആപ്രിക്കോട്ട്

ആപ്രിക്കോട്ടിന് കാഴ്ചശക്തി വര്‍ദ്ധിപ്പിക്കാനും ചര്‍മ്മത്തിന്റെ ആരോഗ്യം മെച്ചപ്പെടുത്താനും, ദഹനവ്യവസ്ഥയെ ശക്തിപ്പെടുത്താനും, ശരീരഭാരം നിയന്ത്രിക്കാനും, പ്രതിരോധശേഷി കൂട്ടാനും സഹായിക്കും. ഇതിലടങ്ങിയിരിക്കുന്ന വിറ്റാമിനുകള്‍, ധാതുക്കള്‍, നാരുകള്‍, ആന്റിഓക്സിഡന്റുകള്‍ എന്നിവ ആരോഗ്യത്തിന് ഗുണകരമാണ്.  

കണ്ണിന്റെ ആരോഗ്യം

വിറ്റാമിന്‍ എ ധാരാളമായി അടങ്ങിയിരിക്കുന്നതിനാല്‍ ആപ്രിക്കോട്ട് കാഴ്ചശക്തി മെച്ചപ്പെടുത്തുകയും പ്രായമാകുമ്പോള്‍ ഉണ്ടാകുന്ന കണ്ണിലെ പ്രശ്‌നങ്ങള്‍ കുറയ്ക്കുകയും ചെയ്യുന്നു. 

ചര്‍മ്മത്തിന്റെ ആരോഗ്യം

വിറ്റാമിന്‍ സി, ബീറ്റാ കരോട്ടിന്‍ എന്നിവ ചര്‍മ്മത്തിന് തിളക്കവും ഇലാസ്തികതയും നല്‍കുന്നു. കൂടാതെ അള്‍ട്രാവയലറ്റ് രശ്മികളില്‍ നിന്ന് സംരക്ഷണം നല്‍കാനും സഹായിക്കുന്നു.

ദഹനസംബന്ധമായ ഗുണങ്ങള്‍

നാരുകള്‍ ധാരാളമായി അടങ്ങിയിരിക്കുന്നതിനാല്‍ ദഹനവ്യവസ്ഥ മെച്ചപ്പെടുത്താനും മലബന്ധം തടയാനും സഹായിക്കുന്നു. 

ശരീരഭാരം നിയന്ത്രിക്കാന്‍

നാരുകള്‍ അടങ്ങിയതുകൊണ്ട് വിശപ്പ് കുറയ്ക്കാനും കലോറിയുടെ ഉപയോഗം നിയന്ത്രിക്കാനും ഇത് സഹായിക്കും. 

രോഗപ്രതിരോധം

വിറ്റാമിന്‍ സി, എ എന്നിവ അടങ്ങിയതുകൊണ്ട് രോഗപ്രതിരോധ ശേഷി വര്‍ദ്ധിപ്പിക്കാനും ശരീരത്തിലെ വീക്കം കുറയ്ക്കാനും ഇത് സഹായിക്കുന്നു. 

ഹൃദയാരോഗ്യം

പൊട്ടാസ്യം അടങ്ങിയിരിക്കുന്നതിനാല്‍ രക്തസമ്മര്‍ദ്ദം നിയന്ത്രിക്കാനും ഹൃദയാരോഗ്യം സംരക്ഷിക്കാനും ഇത് ഗുണകരമാണ്. 

എല്ലുകളുടെ ആരോഗ്യം

കാത്സ്യം, പൊട്ടാസ്യം, മഗ്നീഷ്യം എന്നിവ അടങ്ങിയിരിക്കുന്നതിനാല്‍ എല്ലുകളുടെ ആരോഗ്യത്തിനും ഇത് നല്ലതാണ്. 

കരളിന്റെ ആരോഗ്യം

കരോട്ടിനോയിഡുകളും വിറ്റാമിനുകളും കരളിനെ സംരക്ഷിക്കാനും കരള്‍ രോഗ സാധ്യതകള്‍ കുറയ്ക്കാനും സഹായിക്കുമെന്ന് പറയപ്പെടുന്നു. 

ഉണങ്ങിയ ആപ്രിക്കോട്ടില്‍ കലോറിയും പഞ്ചസാരയും കൂടുതലായിരിക്കാം. പ്രമേഹമുള്ളവര്‍ ഉണങ്ങിയ ആപ്രിക്കോട്ട് കഴിക്കുന്നത് നല്ലതല്ല.