വിളര്‍ച്ച തടയാന്‍ വാഴക്കൂമ്പ്...

വാഴക്കൂമ്പിന് രക്തം വര്‍ദ്ധിപ്പിക്കാനും, പ്രമേഹം നിയന്ത്രിക്കാനും, വിളര്‍ച്ച തടയാനും, അകാല വാര്‍ദ്ധക്യം ഒഴിവാക്കാനും, പ്രതിരോധശേഷി മെച്ചപ്പെടുത്താനും കഴിയും. ഇത് സ്ത്രീകളില്‍ ഹോര്‍മോണ്‍ നില മെച്ചപ്പെടുത്താനും മുലയൂട്ടുന്ന അമ്മമാര്‍ക്ക് പോഷകം നല്‍കാനും സഹായിക്കും. കൂടാതെ, ഇതിലടങ്ങിയിരിക്കുന്ന ഫൈബര്‍ ദഹനത്തെ സഹായിക്കുകയും സ്‌ട്രെസ് കുറയ്ക്കുകയും ചെയ്യുന്നു.

വിളര്‍ച്ച തടയുന്നു

വാഴക്കൂമ്പില്‍ അടങ്ങിയിട്ടുള്ള ഇരുമ്പ് രക്തത്തിലെ ഹീമോഗ്ലോബിന്റെ അളവ് വര്‍ദ്ധിപ്പിക്കുകയും വിളര്‍ച്ച ഇല്ലാതാക്കാന്‍ സഹായിക്കുകയും ചെയ്യുന്നു. 

പ്രമേഹം നിയന്ത്രിക്കുന്നു

ഇതില്‍ അടങ്ങിയിരിക്കുന്ന ഹൈപ്പോഗ്ലൈസമിക് ഗുണങ്ങള്‍ ശരീരത്തിലെ പഞ്ചസാരയുടെ അളവ് കുറയ്ക്കാന്‍ സഹായിക്കുന്നു. 

കാന്‍സര്‍  പ്രതിരോധം

ആന്റിഓക്‌സിഡന്റുകള്‍ അടങ്ങിയിട്ടുള്ളതിനാല്‍ അകാല വാര്‍ദ്ധക്യം തടയാനും കാന്‍സറിനെ പ്രതിരോധിക്കാനും ഇത് സഹായിക്കുന്നു. 

സ്ത്രീകളുടെ ആരോഗ്യത്തിന് ഉത്തമം

സ്ത്രീകളിലെ പ്രൊജസ്‌ട്രോണ്‍ ഹോര്‍മോണ്‍ വര്‍ദ്ധിപ്പിക്കാന്‍ വാഴക്കൂമ്പിന് കഴിയും. കൂടാതെ മുലയൂട്ടുന്ന അമ്മമാര്‍ക്ക് ഇത് നല്ലതാണ്. 

ദഹനസംബന്ധമായ പ്രശ്‌നങ്ങള്‍ക്ക് പരിഹാരം

നാരുകള്‍ ധാരാളമായി അടങ്ങിയിരിക്കുന്നതിനാല്‍ ദഹനസംബന്ധമായ പ്രശ്‌നങ്ങള്‍ അകറ്റാനും മലബന്ധം ഒഴിവാക്കാനും ഇത് സഹായിക്കും. 

രോഗപ്രതിരോധശേഷി വര്‍ദ്ധിപ്പിക്കുന്നു

വാഴക്കൂമ്പിന് രോഗപ്രതിരോധ ശേഷി നല്‍കുന്ന ആന്റിഓക്‌സിഡന്റുകളും പോളിഫെനോളുകളും അടങ്ങിയിട്ടുള്ളതുകൊണ്ട് രോഗങ്ങളെ പ്രതിരോധിക്കാന്‍ കഴിയും. 

മാനസിക സമ്മര്‍ദ്ദം കുറയ്ക്കുന്നു

മഗ്‌നീഷ്യം ധാരാളമുള്ളതുകൊണ്ട് ടെന്‍ഷനും അമിതമായ സ്‌ട്രെസും കുറയ്ക്കാന്‍ സഹായിക്കും.