അസ്ഥികളുടെയും പല്ലുകളുടെയും ആരോഗ്യത്തിന് വെള്ളരിക്ക...

വെള്ളരിക്ക ഒരു പോഷകസമൃദ്ധമായ പച്ചക്കറിയാണ്. ശരീരത്തിന് ആവശ്യമായ നിരവധി വിറ്റാമിനുകളും ധാതുക്കളും ഇതില്‍ അടങ്ങിയിട്ടുണ്ട്. ദഹന സംബന്ധമായ പ്രശ്‌നങ്ങള്‍ പരിഹരിക്കാനും, മലബന്ധം അകറ്റാനും, ശരീരത്തിലെ ജലാംശം നിലനിര്‍ത്താനും, രക്തസമ്മര്‍ദ്ദം നിയന്ത്രിക്കാനും, അസ്ഥികളുടെയും പല്ലുകളുടെയും ആരോഗ്യത്തിന് സഹായിക്കാനും വെള്ളരിക്ക കഴിക്കുന്നത് ഗുണം ചെയ്യും. 

വെള്ളരിക്കയുടെ പ്രധാന ഗുണങ്ങള്‍ 

ദഹനത്തിന് സഹായിക്കുന്നു

വെള്ളരിയില്‍ നാരുകള്‍ ധാരാളമായി അടങ്ങിയിട്ടുണ്ട്. ഇത് ദഹനത്തെ സഹായിക്കുകയും മലബന്ധം അകറ്റുകയും ചെയ്യുന്നു. 

ശരീരത്തിന് തണുപ്പ് നല്‍കുന്നു

വേനല്‍ക്കാലത്ത് ശരീരത്തിലെ ജലാംശം നിലനിര്‍ത്താന്‍ വെള്ളരിക്ക കഴിക്കുന്നത് ?ഗുണം ചെയ്യും. 

രക്തസമ്മര്‍ദ്ദം നിയന്ത്രിക്കുന്നു

വെള്ളരിക്കയില്‍ പൊട്ടാസ്യം, മഗ്‌നീഷ്യം എന്നിവ അടങ്ങിയിട്ടുണ്ട്. ഇത് രക്തസമ്മര്‍ദ്ദം നിയന്ത്രിക്കാന്‍ സഹായിക്കുന്നു. 

അസ്ഥികളുടെയും പല്ലുകളുടെയും ആരോഗ്യം

വിറ്റാമിന്‍ കെ, കാല്‍സ്യം എന്നിവ വെള്ളരിക്കയില്‍ ധാരാളമായി അടങ്ങിയിട്ടുണ്ട്. ഇത് അസ്ഥികളുടെയും പല്ലുകളുടെയും ആരോഗ്യത്തിന് നല്ലതാണ്. 

ചര്‍മ്മ സംരക്ഷണത്തിന്

വെള്ളരിക്കയില്‍ ആന്റി ഓക്‌സിഡന്റുകള്‍ ധാരാളമായി അടങ്ങിയിട്ടുണ്ട്. ഇത് ചര്‍മ്മത്തെ സംരക്ഷിക്കുകയും തിളക്കം നല്‍കുകയും ചെയ്യുന്നു.
 
ശരീരഭാരം കുറയ്ക്കാന്‍ സഹായിക്കുന്നു

വെള്ളരിക്കയില്‍ കലോറി കുറവായതിനാല്‍ ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്ക് ഡയറ്റില്‍ ഉള്‍പ്പെടുത്താവുന്നതാണ്. 

മുടി കൊഴിച്ചില്‍ തടയുന്നു

വെള്ളരിക്കയില്‍ അടങ്ങിയിരിക്കുന്ന സിലിക്ക മുടി കൊഴിച്ചില്‍ തടയാന്‍ സഹായിക്കും.