ക്യാന്‍സറിനെ തടയാന്‍ പപ്പായ ഇല...

പപ്പായ ഇല ആരോഗ്യത്തിന് വളരെ ഗുണം ചെയ്യും. ഇത് പല രോഗങ്ങള്‍ക്കും പ്രതിവിധിയായി ഉപയോഗിക്കുന്നു. പപ്പായ ഇലയുടെ പ്രധാന ഗുണങ്ങള്‍ താഴെക്കൊടുക്കുന്നു

രോഗപ്രതിരോധ ശേഷി കൂട്ടുന്നു

പപ്പായ ഇലയില്‍ വിറ്റാമിനുകളും ആന്റി ഓക്‌സിഡന്റുകളും ധാരാളമായി അടങ്ങിയിട്ടുണ്ട്. ഇത് ശരീരത്തിന്റെ പ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു.

ദഹനത്തിന് സഹായിക്കുന്നു

പപ്പായ ഇലയിലുള്ള പപ്പൈന്‍ എന്ന എന്‍സൈം ദഹനത്തെ സഹായിക്കുന്നു. ഇത് മലബന്ധം, നെഞ്ചെരിച്ചില്‍ പോലുള്ള ദഹന പ്രശ്‌നങ്ങള്‍ക്ക് പരിഹാരമാണ്.

രക്തത്തിലെ പ്ലേറ്റ്ലെറ്റുകള്‍ കൂട്ടുന്നു

ഡെങ്കിപ്പനി പോലുള്ള രോഗങ്ങളില്‍ പ്ലേറ്റ്ലെറ്റുകളുടെ അളവ് കുറയുന്നത് സാധാരണമാണ്. പപ്പായ ഇലയുടെ നീര് രക്തത്തിലെ പ്ലേറ്റ്ലെറ്റുകളുടെ അളവ് കൂട്ടാന്‍ സഹായിക്കും.

ചര്‍മ്മത്തിന്റെ ആരോഗ്യത്തിന്

പപ്പായ ഇലയില്‍ ധാരാളം ആന്റി ഓക്‌സിഡന്റുകള്‍ ഉള്ളതിനാല്‍ ചര്‍മ്മത്തിലെ ചുളിവുകള്‍, പാടുകള്‍ എന്നിവ മാറ്റാനും തിളക്കമുള്ള ചര്‍മ്മം നല്‍കാനും സഹായിക്കും.

കൊളസ്‌ട്രോള്‍ കുറയ്ക്കുന്നു

പപ്പായ ഇല കഴിക്കുന്നത് രക്തത്തിലെ കൊളസ്‌ട്രോളിന്റെ അളവ് കുറയ്ക്കാന്‍ സഹായിക്കുമെന്നും പറയപ്പെടുന്നു.

കരളിന്റെ ആരോഗ്യത്തിന്

കരളിന്റെ ആരോഗ്യത്തിന് പപ്പായ ഇല ഉത്തമമാണ്. കരള്‍ സംബന്ധമായ രോഗങ്ങള്‍ തടയാനും ഇത് സഹായിക്കും.

ക്യാന്‍സറിനെ തടയുന്നു

പപ്പായ ഇലയില്‍ അടങ്ങിയിട്ടുള്ള അസെറ്റോജെനിന്‍ എന്ന ഘടകം ക്യാന്‍സറിനെ പ്രതിരോധിക്കാന്‍ സഹായിക്കുമെന്നും ചില പഠനങ്ങള്‍ പറയുന്നു.

പപ്പായ ഇലയുടെ നീര് അമിതമായി കഴിക്കുന്നത് ദോഷകരമാവാനും സാധ്യതയുണ്ട്. അതിനാല്‍ ഡോക്ടറുടെ നിര്‍ദ്ദേശപ്രകാരം മാത്രം ഉപയോഗിക്കുക.