കണ്ണിന്റെ ആരോഗ്യത്തിന് കറുത്ത ഉണക്ക മുന്തിരി

കറുത്ത ഉണക്ക മുന്തിരി ദഹനത്തെ മെച്ചപ്പെടുത്താനും മലബന്ധം അകറ്റാനും സഹായിക്കുന്നു. ഇത് ശരീരത്തിന് ഊര്‍ജ്ജം നല്‍കുകയും വിളര്‍ച്ചയെ പ്രതിരോധിക്കാന്‍ ആവശ്യമായ ഇരുമ്പ് അടങ്ങിയിരിക്കുകയും ചെയ്യുന്നു. കൂടാതെ, പ്രതിരോധശേഷി വര്‍ദ്ധിപ്പിക്കാനും ചര്‍മ്മത്തിന്റെയും മുടിയുടെയും ആരോഗ്യം മെച്ചപ്പെടുത്താനും സഹായിക്കുന്ന ധാരാളം ആന്റിഓക്സിഡന്റുകള്‍ ഇതില്‍ അടങ്ങിയിട്ടുണ്ട്. എല്ലുകള്‍ക്ക് ബലം നല്‍കാനും കണ്ണിന്റെ ആരോഗ്യത്തിനും ഇവ നല്ലതാണ്. 

ദഹനപ്രശ്‌നങ്ങള്‍ക്ക് പരിഹാരം: ഫൈബര്‍ ധാരാളമായി അടങ്ങിയിരിക്കുന്നതിനാല്‍ ദഹനത്തെ സുഗമമാക്കാനും കുടല്‍ വൃത്തിയാക്കാനും ഇത് സഹായിക്കുന്നു. 

വിളര്‍ച്ചയെ തടയുന്നു: ഇരുമ്പിന്റെയും വിറ്റാമിന്‍ ബി കോംപ്ലക്‌സിന്റെയും ഉറവിടമായതിനാല്‍ ചുവന്ന രക്താണുക്കളുടെ ഉത്പാദനം വര്‍ദ്ധിപ്പിക്കാനും വിളര്‍ച്ച ഇല്ലാതാക്കാനും ഇത് സഹായിക്കും. 

ശരീരത്തിന് ഊര്‍ജ്ജം നല്‍കുന്നു: പ്രകൃതിദത്തമായ പഞ്ചസാരയായ ഫ്രക്ടോസ്, ഗ്ലൂക്കോസ് എന്നിവ അടങ്ങിയതിനാല്‍ പെട്ടെന്ന് ഊര്‍ജ്ജം നല്‍കാന്‍ ഇതിന് കഴിയും. 

രോഗപ്രതിരോധശേഷി ശക്തിപ്പെടുത്തുന്നു: ആന്റിഓക്സിഡന്റുകള്‍ ധാരാളമായി അടങ്ങിയിരിക്കുന്നതിനാല്‍ ശരീരത്തിന്റെ പ്രതിരോധശേഷി വര്‍ദ്ധിപ്പിക്കുന്നു. 

ചര്‍മ്മത്തിനും മുടിക്കും ഉത്തമം: വിറ്റാമിന്‍ സി, വിറ്റാമിന്‍ ഇ, ആന്റിഓക്സിഡന്റുകള്‍ എന്നിവ അടങ്ങിയിരിക്കുന്നതിനാല്‍ ചര്‍മ്മത്തിനും മുടിക്കും തിളക്കം നല്‍കാനും ആരോഗ്യമുറപ്പെടുത്താനും സഹായിക്കുന്നു. 

ഹൃദയാരോഗ്യം മെച്ചപ്പെടുത്തുന്നു: പൊട്ടാസ്യം, മഗ്നീഷ്യം എന്നിവ അടങ്ങിയിട്ടുള്ളതിനാല്‍ രക്തസമ്മര്‍ദ്ദം കുറയ്ക്കാനും ചീത്ത കൊളസ്ട്രോള്‍ നിയന്ത്രിക്കാനും സഹായിക്കുന്നു. 

എല്ലുകള്‍ക്ക് ബലം നല്‍കുന്നു: കാത്സ്യം അടങ്ങിയിട്ടുള്ളതിനാല്‍ എല്ലുകള്‍ക്ക് ബലം നല്‍കാനും ഓസ്റ്റിയോപൊറോസിസ് സാധ്യത കുറയ്ക്കാനും സഹായിക്കും. 

കണ്ണിന്റെ ആരോഗ്യം വര്‍ദ്ധിപ്പിക്കുന്നു: ബീറ്റാ കരോട്ടിന്‍, ല്യൂട്ടിന്‍ തുടങ്ങിയ ആന്റിഓക്സിഡന്റുകള്‍ അടങ്ങിയിട്ടുള്ളതിനാല്‍ കണ്ണിന്റെ ആരോഗ്യത്തിന് ഇത് നല്ലതാണ്. 

രാത്രി മുഴുവന്‍ വെള്ളത്തില്‍ കുതിര്‍ത്തതിന് ശേഷം രാവിലെ വെറും വയറ്റില്‍ കഴിക്കുന്നതാണ് ഏറ്റവും ഉത്തമമെന്ന് പറയപ്പെടുന്നു. ഉണക്കമുന്തിരിയിട്ട് തിളപ്പിച്ച വെള്ളം കുടിക്കുന്നതും ആരോഗ്യത്തിന് നല്ലതാണ്.