കണ്ണുകള്‍ തിളങ്ങാന്‍ റോസ് വാട്ടര്‍

കണ്ണിന് തിളക്കം നല്‍കാന്‍ ധാരാളം കാര്യങ്ങള്‍ ശ്രദ്ധിക്കേണ്ടതുണ്ട്. 

ഉപയോഗിച്ച ശേഷം ഫ്രിഡ്ജില്‍ വച്ച് തണുപ്പിച്ച ടീ ബാഗുകള്‍ കണ്ണുകളില്‍ 15-20 മിനിറ്റ് വെക്കുന്നത് വീക്കം കുറയ്ക്കാനും ഉന്മേഷം നല്‍കാനും സഹായിക്കും. 

തണുത്ത വെള്ളരിക്ക കഷ്ണങ്ങള്‍ കണ്ണുകളില്‍ വെക്കുന്നത് കണ്ണിന് കുളിര്‍മ നല്‍കുകയും തിളക്കം കൂട്ടുകയും ചെയ്യും. ഫ്രിഡ്ജില്‍ വെച്ച റോസ് വാട്ടര്‍ ഒരു കോട്ടണ്‍ പഞ്ഞിയില്‍ മുക്കി കണ്ണിന് മുകളില്‍ പുരട്ടുന്നത് കണ്ണിന് തിളക്കം നല്‍കാനും വീക്കം കുറയ്ക്കാനും സഹായിക്കും. 

സുഖപ്രദമായ രീതിയില്‍ ഇരുന്ന് കൈപ്പത്തികള്‍ തടവി ചൂടാക്കിയ ശേഷം കണ്ണുകള്‍ക്ക് മുകളില്‍ അല്‍പനേരം വെക്കുക. ഇത് കണ്ണുകള്‍ക്ക് വിശ്രമവും തിളക്കവും നല്‍കും. ശരീരത്തിന് ആവശ്യമായ വെള്ളം കിട്ടുന്നത് കണ്ണുകളുടെ തിളക്കം വര്‍ദ്ധിപ്പിക്കും. ധാരാളം പഴങ്ങളും പച്ചക്കറികളും, പ്രത്യേകിച്ച് ചീര പോലുള്ള ഇലക്കറികളും, ഒമേഗ 3 ഫാറ്റി ആസിഡ് അടങ്ങിയ മത്സ്യവും കഴിക്കുന്നത് കണ്ണിന് ഗുണകരമാണ്. 

രാത്രിയില്‍ 7-9 മണിക്കൂര്‍ ഉറങ്ങുന്നത് കണ്ണുകള്‍ക്ക് ക്ഷീണം വരാതിരിക്കാന്‍ സഹായിക്കും. ഇടയ്ക്കിടെ കണ്ണ് തിരുമ്മുന്നത് കണ്ണുകള്‍ക്ക് ചുവപ്പ് നിറം വരാന്‍ കാരണമാണ്.