വിട്ടുമാറാത്ത രോഗങ്ങള്‍; വിളര്‍ച്ചയ്ക്ക് പ്രധാന കാരണങ്ങള്‍

വിളര്‍ച്ചയ്ക്ക് പല കാരണങ്ങളാണുള്ളത്. 

ഭക്ഷണത്തില്‍ ഇരുമ്പിന്റെ അഭാവം, രക്തസ്രാവം, അല്ലെങ്കില്‍ ശരീരത്തിന് ഇരുമ്പ് ആഗിരണം ചെയ്യാന്‍ കഴിയാത്ത അവസ്ഥ എന്നിവ ഇതിന് കാരണമാവാം.

വിറ്റാമിന്റെയോ ഫോളിക് ആസിഡിന്റെയോ അഭാവം വിളര്‍ച്ചയ്ക്ക് കാരണമാകും. വീക്കം ഉണ്ടാക്കുന്ന അസുഖങ്ങള്‍, വൃക്ക രോഗങ്ങള്‍, കാന്‍സര്‍ എന്നിവ ചുവന്ന രക്താണുക്കളുടെ ഉത്പാദനത്തെ ബാധിക്കാം.

അമിതമായ ആര്‍ത്തവം, ആന്തരിക രക്തസ്രാവം തുടങ്ങിയവ ശരീരത്തില്‍ നിന്ന് രക്തം നഷ്ടപ്പെടുന്നതിന് കാരണമാവുകയും വിളര്‍ച്ചയിലേക്ക് നയിക്കുകയും ചെയ്യുന്നു.

ഗര്‍ഭകാലത്ത് വളരുന്ന കുഞ്ഞിന് കൂടുതല്‍ ഇരുമ്പ് ആവശ്യമായി വരുന്നു. അതിനാല്‍ ആവശ്യത്തിന് ഇരുമ്പ് ലഭിക്കാതെ വന്നാല്‍ വിളര്‍ച്ച ഉണ്ടാകാം. സിക്കിള്‍ സെല്‍ അനീമിയ പോലുള്ള ചില പാരമ്പര്യ രോഗങ്ങളും വിളര്‍ച്ചയ്ക്ക് കാരണമാകാം.

ചില രാഗപ്രതിരോധ രോഗങ്ങള്‍ ചുവന്ന രക്താണുക്കളെ നശിപ്പിക്കാം, അല്ലെങ്കില്‍ അസ്ഥിമജ്ജയുടെ പ്രവര്‍ത്തനങ്ങളെ തകരാറിലാക്കും.