എന്താണ് കോമയില്‍ സംഭവിക്കുന്നത്...?

കോമ എന്നാല്‍ ദീര്‍ഘമായ ബോധക്ഷയം സംഭവിക്കുന്ന ഒരു അവസ്ഥയാണ്. കോമയിലായ വ്യക്തിക്ക് ചുറ്റുമുള്ള കാര്യങ്ങളെക്കുറിച്ച് അറിവുണ്ടാവില്ല, സാധാരണ ഉറക്കത്തില്‍ നിന്ന് വ്യത്യസ്തമായി, വേദനയും മറ്റ് ഉത്തേജകങ്ങള്‍ക്കും പ്രതികരിക്കാന്‍ കഴിയില്ല, സംസാരിക്കാനോ സ്വയം ചലിക്കാനോ സാധിക്കില്ല. 

സാധാരണ ശാരീരിക പ്രവര്‍ത്തനങ്ങള്‍ നിലനിര്‍ത്താന്‍ അവരുടെ ശരീരത്തിന് കഴിവില്ലാത്തതിനാല്‍, ശ്വസനം, രക്തചംക്രമണം തുടങ്ങിയ പ്രശ്‌നങ്ങള്‍ ഉണ്ടാകാം, കൂടാതെ ന്യുമോണിയ പോലുള്ള സങ്കീര്‍ണതകളും ഉണ്ടാകാനുള്ള സാധ്യതയുണ്ട്. 

പ്രധാന ലക്ഷണങ്ങള്‍

>> ദീര്‍ഘമായ ബോധക്ഷയം.
>> ചുറ്റുപാടുകളെക്കുറിച്ചുള്ള അറിവില്ലായ്മ.
>> വേദന, ശബ്ദം, പ്രകാശം തുടങ്ങിയവയോടുള്ള പ്രതികരണമില്ലായ്മ.
>> ഉറക്ക-ഉണര്‍വ് ചക്രത്തിലെ തകരാര്‍.
>> സംസാരിക്കാനും സ്വയം ചലിക്കാനുമുള്ള കഴിവില്ലായ്മ.

എന്തുകൊണ്ട് കോമ സംഭവിക്കുന്നു?

മസ്തിഷ്‌കത്തിന്റെ പ്രവര്‍ത്തനത്തെ സഹായിക്കുന്ന സെറിബ്രല്‍ കോര്‍ട്ടെക്‌സ് അല്ലെങ്കില്‍ റെറ്റിക്യുലാര്‍ ആക്ടിവേറ്റിംഗ് സിസ്റ്റം എന്നിവയ്ക്ക് തകരാര്‍ സംഭവിക്കുമ്പോഴാണ് കോമ ഉണ്ടാകുന്നത്. കോമയിലുള്ള വ്യക്തിക്ക് അവരുടെ ആരോഗ്യം നിലനിര്‍ത്താനും സങ്കീര്‍ണ്ണതകള്‍ തടയാനും വിപുലമായ വൈദ്യസഹായം ആവശ്യമാണ്.