ഇരുമ്പിന്റെ കുറവ്; നഖം പൊട്ടാന്‍ കാരണങ്ങള്‍

നഖം പൊട്ടുന്നതിന് പല കാരണങ്ങളുണ്ടാകാം. നെയില്‍ പോളിഷ്, നെയില്‍ പോളിഷ് റിമൂവര്‍ തുടങ്ങിയവയിലെ രാസവസ്തുക്കള്‍ നഖങ്ങളെ വരണ്ടതാക്കുകയും പൊട്ടാന്‍ കാരണമാവുകയും ചെയ്യും. 

ശരീരത്തില്‍ ഇരുമ്പിന്റെ അളവ് കുറവാണെങ്കില്‍ നഖങ്ങള്‍ ദുര്‍ബലമാവുകയും പൊട്ടുകയും ചെയ്യും. ചില ആരോഗ്യപ്രശ്‌നങ്ങള്‍, ഉദാഹരണത്തിന് തൈറോയ്ഡ് പ്രശ്‌നങ്ങള്‍, ഫംഗല്‍ ഇന്‍ഫെക്ഷനുകള്‍ എന്നിവയും നഖം പൊട്ടുന്നതിന് കാരണമാകാറുണ്ട്. 

നഖങ്ങളില്‍ ഏല്‍ക്കുന്ന ക്ഷതങ്ങള്‍, മുറിവുകള്‍ എന്നിവയും നഖം പൊട്ടുന്നതിന് കാരണമാകും. നഖങ്ങള്‍ വരണ്ടിരിക്കുമ്പോള്‍ അവ പൊട്ടാനുള്ള സാധ്യത കൂടുതലാണ്. ചില മരുന്നുകളുടെ പാര്‍ശ്വഫലമായി നഖങ്ങള്‍ പൊട്ടാന്‍ സാധ്യതയുണ്ട്. നഖം പൊട്ടുന്നത് തടയാന്‍, നഖങ്ങള്‍ ഈര്‍പ്പമുള്ളതാക്കി വെക്കുക, രാസവസ്തുക്കളുടെ ഉപയോഗം കുറയ്ക്കുക, ആരോഗ്യകരമായ ഭക്ഷണം കഴിക്കുക, ആവശ്യത്തിന് വിശ്രമം നല്‍കുക.