ആന്റിബയോട്ടിക്കുകള്‍ കണ്ടുപിടിച്ചില്ലായിരുന്നെങ്കില്‍. ലോകത്തിലെ ഏറ്റവും പഴക്കമുള്ള ചില ആന്റിബയോട്ടിക്കുകള്‍ പരിചയപ്പെടാം

ആന്റിബയോട്ടിക്കുകളുടെ കണ്ടുപിടിത്തം മനുഷ്യരാശിയുടെ ആരോഗ്യമേഖലയിലെ വന്‍ കുതിച്ചുചാട്ടമായിരുന്നു.

ബാക്ടീരിയ, വൈറല്‍, ഫംഗസ് അണുബാധകള്‍ പലരെയും കൊല്ലുന്ന ഒരു കാലമുണ്ടായിരുന്നു! ഇത്തരം അണുബാധകള്‍ക്ക് അന്നു ചികിത്സകളൊന്നും ഉണ്ടായിരുന്നില്ല.

  ആയിരക്കണക്കിന് കുട്ടികള്‍ വിവിധ അണുബാധ മൂലം മരിച്ചിരുന്നു.

 അതിനെല്ലാം പ്രതിവിധിയായാണ് ആന്റിബയോട്ടിക്കുകള്‍ കണ്ടെത്തുന്നത്. ഇന്ന് ആന്റിബയോട്ടിക്കുകളുടെ അമിതമായ ഉപയോഗമാണ് മനുഷ്യകുലം നേരിടുന്ന മറ്റൊരു പ്രതിസന്ധി.

 ലോകത്തിലെ അഞ്ച് പഴയ ആന്റിബയോട്ടിക്കുകളെക്കുറിച്ച് അറിയൂ.

1. പെന്‍സിലിന്‍

കണ്ടുപിടിച്ച വര്‍ഷം: 1928

ശാസ്ത്രജ്ഞന്‍: അലക്‌സാണ്ടര്‍ ഫ്‌ളെമിംഗ്

രാജ്യം: യുകെ

ലോകത്തിലെ ഏറ്റവും പഴക്കം ചെന്ന ആന്റിബയോട്ടിക്കാണ് പെന്‍സിലിന്‍.

1928-ല്‍ അലക്‌സാണ്ടര്‍ ഫ്‌ളെമിംഗ് തന്റെ ലാബില്‍ വച്ച് ആകസ്മികമായാണ് പെന്‍സിലിന്‍ കണ്ടെത്തുന്നത്.

പെന്‍സിലിയം നോട്ടാറ്റം എന്ന പൂപ്പല്‍ ബാക്ടീരിയയെ നശിപ്പിക്കുകയും ആന്റിബയോട്ടിക്കിന് അടിത്തറയിടുകയും ചെയ്തു.

1940കളില്‍ ഹോവാര്‍ഡ് ഫ്‌ളോറിയെപ്പോലുള്ള ശാസ്ത്രജ്ഞര്‍ ഇത് വന്‍തോതില്‍ ഉത്പാദിപ്പിക്കുകയും എണ്ണമറ്റ ജീവന്‍ രക്ഷിക്കുകയും ചെയ്തപ്പോള്‍ പെന്‍സിലിന്‍ വൈദ്യശാസ്ത്രത്തിന്റെ അവിഭാജ്യഘടകമായി മാറി. 

2. സള്‍ഫസെറ്റാമൈഡ്

കണ്ടുപിടിച്ച വര്‍ഷം: 1941

ശാസ്ത്രജ്ഞന്‍: ഫ്രാങ്ക് ബെര്‍ഗര്‍ (അമേരിക്കന്‍ ബയോകെമിസ്റ്റ്)

രാജ്യം: യുഎസ് 

രാസ സംശ്ലേഷണത്തിലൂടെ ആന്റിബയോട്ടിക്കുകള്‍ നിര്‍മിക്കുന്നതിന്റെ തുടക്കത്തെയാണ് സള്‍ഫസെറ്റാമൈഡ് പ്രതിനിധീകരിക്കുന്നത്.

 ഡെര്‍മറ്റോളജിയിലാണ് ഇത് ആദ്യമായ ഉപയോഗിക്കുന്നത്. ത്വക്കിലെ അണുബാധ, വരള്‍ച്ച, അലര്‍ജി, മങ്ങിയ കാഴ്ച, അസ്വസ്ഥത തുടങ്ങിയ ഗുരുതര പാര്‍ശ്വഫലങ്ങള്‍ സള്‍ഫസെറ്റാമൈഡിന് ഉണ്ട്.

3. സ്‌ട്രെപ്‌റ്റോമൈസിന്‍

കണ്ടുപിടിച്ച വര്‍ഷം: 1943

ശാസ്ത്രജ്ഞന്‍: വാക്സ്മാന്‍, സെല്‍മാന്‍ 

രാജ്യം: യുഎസ്

സ്‌ട്രെപ്‌റ്റോമൈസിന്‍ ക്ഷയരോഗത്തിനെതിരായ ശക്തമായ ആയുധമാണ്. രോഗങ്ങളെ ചെറുക്കുന്നതിനുള്ള നിര്‍ണായകശേഷി ഇതിനുണ്ട്. ക്ഷയരോഗ ചികിത്സയില്‍ സ്‌ട്രെപ്‌റ്റോമൈസിന്‍ മരണനിരക്ക് കുറയ്ക്കുന്നതില്‍ നിര്‍ണായക പങ്കുവഹിച്ചു, ഇത് മെഡിക്കല്‍ ചരിത്രത്തിലെ ഒരു സുപ്രധാന നാഴികക്കല്ലാണ്.

4. ടെട്രാസൈക്ലിന്‍

കണ്ടുപിടിച്ച വര്‍ഷം: 1948

ശാസ്ത്രജ്ഞന്‍: ഫിന്‍ലേ, ബെഞ്ചമിന്‍ 

രാജ്യം: യുഎസ് 

മണ്ണിലെ ബാക്ടീരിയയില്‍നിന്ന് ഉരുത്തിരിഞ്ഞ ടെട്രാസൈക്ലിന്‍, ആന്റിബയോട്ടിക് ഗവേഷണത്തില്‍ വലിയ മാറ്റം വരുത്തി.

ചരിത്രപരമായി ഇത് മനുഷ്യരില്‍ മാത്രമല്ല, കൃഷിയിലും പങ്കു വഹിച്ചു, അണുബാധകള്‍ക്കെതിരെയുള്ള ഉറപ്പായ ഔഷധമാണിത്.

 ബാക്ടീരിയ പ്രോട്ടീന്‍ ഉത്പാദനത്തെ ഇതു തടയുന്നു. മറ്റ് ആന്റിബയോട്ടിക്കുകളെ അപേക്ഷിച്ച് ടെട്രാസൈക്ലിന് കൂടുതല്‍ ഡോസ് ആവശ്യമാണ്.

5. ആംപിസിലിന്‍

കണ്ടുപിടിച്ച വര്‍ഷം: 1961

ശാസ്ത്രജ്ഞന്‍: ബീച്ചം, ബ്രിട്ടീഷ്

രാജ്യം: യുകെ

പെന്‍സിലിന്റെ പാത പിന്തുടരുന്ന ആംപിസിലിന്‍ ആന്റിബയോട്ടിക്കുകളുടെ ലോകത്തു ഫലപ്രദമായ മരുന്നാണ്. വൈദ്യശാസ്ത്രത്തിന്റെയും ഗവേഷണത്തിന്റെയും ആവശ്യങ്ങള്‍ക്ക് ഇതുപയോഗിക്കുന്നു. ആംപിസിലിന്‍ ബാക്ടീരിയയുടെ കോശഭിത്തികളെ തടസപ്പെടുത്തുകയും അവയെ ദുര്‍ബലമാക്കുകയും അതിജീവിക്കാന്‍ അനുവദിക്കുകയും ചെയ്യുകയുമില്ല. കോശഭിത്തികളില്‍ ഇടപെടാനുള്ള അതിന്റെ പ്രത്യേക കഴിവിനെ അടിസ്ഥാനപ്പെടുത്തി ജനിതക ഗവേഷണത്തിലും ഇതു ഫലപ്രദമായി ഉപയോഗിക്കുന്നു.