മുടിക്ക് ബലം നല്‍കാന്‍ ബെസ്റ്റാ തേങ്ങാപ്പാല്‍

തേങ്ങാപ്പാല്‍ മുടിക്ക് വളരെ നല്ലതാണ്. കാരണം ഇതില്‍ മുടിക്ക് ആവശ്യമായ പോഷകങ്ങളായ വിറ്റാമിനുകള്‍, ഫാറ്റി ആസിഡുകള്‍, പ്രോട്ടീനുകള്‍ എന്നിവ അടങ്ങിയിരിക്കുന്നു. 

ഇത് മുടിക്ക് തിളക്കം നല്‍കാനും വരണ്ട മുടിയെ ഈര്‍പ്പമുള്ളതാക്കാനും മുടിക്ക് ബലം നല്‍കാനും കേടുപാടുകള്‍ കുറയ്ക്കാനും തലയോട്ടിയിലെ ചൊറിച്ചില്‍ ശമിപ്പിക്കാനും സഹായിക്കുന്നു. മുടി വളര്‍ച്ചയെ പ്രോത്സാഹിപ്പിക്കാനും ഇത് വളരെ നല്ലതാണ്. 

മുടിക്ക് ഈര്‍പ്പം നല്‍കുന്നു

തേങ്ങാപ്പാലില്‍ അടങ്ങിയ ഫാറ്റി ആസിഡുകള്‍ വരണ്ട മുടിയെ മോയ്‌സ്ചറൈസ് ചെയ്യുകയും തലയോട്ടിക്ക് ഈര്‍പ്പം നല്‍കുകയും ചെയ്യുന്നു. 

മുടിക്ക് ബലം നല്‍കുന്നു

ഇതിലെ വിറ്റാമിനുകളും പോഷകങ്ങളും മുടിയുടെ വേരുകളെ ശക്തിപ്പെടുത്തുകയും പൊട്ടല്‍ കുറയ്ക്കുകയും ചെയ്യുന്നു. 

കേടായ മുടി വീണ്ടെടുക്കുന്നു

ചൂടില്‍ കേടുപാടുകള്‍ സംഭവിച്ച മുടിയുടെ ഘടന മെച്ചപ്പെടുത്താനും, പ്രോട്ടീന്‍ നഷ്ടം കുറയ്ക്കാനും സഹായിക്കുന്നു. 

തലയോട്ടിയിലെ പ്രശ്‌നങ്ങള്‍ ശമിപ്പിക്കുന്നു

തേങ്ങാപ്പാലിന് ആന്റി-ഇന്‍ഫ്‌ലമേറ്ററി ഗുണങ്ങളുണ്ട്, ഇത് തലയോട്ടിയിലെ ചൊറിച്ചിലും പ്രകോപനവും ശമിപ്പിക്കാന്‍ സഹായിക്കും. 

മുടി വളര്‍ച്ചയെ പ്രോത്സാഹിപ്പിക്കുന്നു

തലയോട്ടിയിലെ രക്തയോട്ടം മെച്ചപ്പെടുത്തുന്നതിലൂടെ മുടി വളര്‍ച്ചയെ ഇത് സഹായിക്കുന്നു. 

തിളക്കം നല്‍കുന്നു

തേങ്ങാപ്പാല്‍ ഉപയോഗിക്കുന്നതിലൂടെ മുടിക്ക് സ്വാഭാവിക തിളക്കം ലഭിക്കുന്നു. 

പുതിയ തേങ്ങാപ്പാല്‍ തലയോട്ടിയില്‍ നേരിട്ട് പുരട്ടുക.
കുറഞ്ഞത് 30 മിനിറ്റ് നേരം മാസാജ് ചെയ്തതിന് ശേഷം കഴുകിക്കളയാം.