ഐ സി എഫ് ദമാം സെൻട്രൽ ഖുര്‍ആന്‍ ലൈവ് ക്വിസ് മത്സരം സംഘടിപ്പിച്ചു

ദമാം : വിശുദ്ധ ഖുര്‍ആനിനെ അടുത്തറിയുക, ഖുര്‍ആനിക വിജ്ഞാനത്തില്‍ തത്പരത സൃഷ്ടിക്കുക എന്ന ലക്ഷ്യത്തോടെ ഐ സി എഫ് വിദ്യാഭ്യാസ, പ്രസിദ്ധീകരണ വിഭാഗങ്ങള്‍ സംയുക്തമായി സംഘടിപ്പിക്കുന്ന ഖുര്‍ആന്‍ ലൈവ് ക്വിസിന്റെ ഭാഗമായി ദമാം സെൻട്രൽ തല മത്സരങ്ങൾ സംഘടിപ്പിച്ചു, മത്സരത്തിൽ വിവിധ സെക്ടറുകളിൽ നിന്ന് വിജയിച്ച ഒൻപത് പേര് മത്സരത്തിൽ പങ്കെടുത്തു.

ഖുര്‍ആന്‍ പഠനം, പരിചയം, എന്നീ വിഷയത്തില്‍ അധിഷ്ടിതമായി മൂന്ന് റൗണ്ടുകളിലായിയാണ് മത്സരം നടന്നത്.മത്സരത്തിൽ 91 സെക്ടറിലെ അബ്ദുറഹ്‌മാൻ അഹ്‌സനി ഒന്നാം സ്ഥാനവും , സ്റ്റേഡിയം സെക്ടറിലെ സക്കീർ മാന്നാർ രണ്ടാം സ്ഥാനവും , ടൊയോട്ട സെക്ടറിലെ നൂർ മുഹമ്മദ് അഹ്‌സനി മൂന്നാം സ്ഥാനവും നേടി മുഹമ്മദ് റഫീഖ് ചെമ്പോത്തറ ക്വിസ് മാസ്റ്ററായിരുന്നു

,ഐസിഎഫ് ദമാം സെൻട്രൽ പ്രസിഡന്റ് അബ്ദുൽ സമദ് മുസ്ല്യാർ കുളപ്പാടം മത്സര വിജയികളെ പ്രഖ്യാപിച്ചു. സലീം പാലച്ചിറ , ഹാരിസ് ജൗഹരി എന്നിവർ മത്സരങ്ങൾ നിയന്ത്രിച്ചു , സലീം സഅദി താഴേക്കോട്, സലീം ഓലപ്പീടിക എന്നിവർ നേതൃത്വം നൽകി.