ആദ്യ ഭാര്യയ്ക്ക് പിന്നാലെ രണ്ടാം ഭാര്യയും ആത്മഹത്യ ചെയ്തു, പ്രേരണാക്കുറ്റത്തിന് ഭര്‍ത്താവ് അറസ്റ്റില്‍

വാഗമൺ:  ആദ്യ ഭാര്യ ജീവനൊടുക്കിയതിനെ തുടര്‍ന്ന് രണ്ടാമതും വിവാഹം കഴിച്ച യുവാവിന്റെ രണ്ടാം ഭാര്യയും ആത്മഹത്യ ചെയ്ത സംഭവത്തില്‍ യുവാവ് അറസ്റ്റില്‍. പ്രേരണക്കുറ്റത്തിനാണ് വാഗമൺ കോലാഹലമേട് ശങ്കുശേരിൽ ശരത് ശശികുമാർ (31) അറസ്റ്റിലായത്.

കഴിഞ്ഞ ജൂലൈ 12നാണ് ശരത്തിന്റെ വീട്ടിൽ ഭാര്യ രമ്യ (ശരണ്യ - 28) ജീവനൊടുക്കിയത്. ഗാർഹികപീഡനത്തെത്തുടർന്നാണു ശരണ്യ മരിച്ചതെന്നു പരാതി ഉയർന്നിരുന്നു.

ശരത്തിൽ നിന്നു നിരന്തരം മാനസികപീഡനവും ഉപദ്രവവും രമ്യ നേരിട്ടിരുന്നതായി അന്വേഷണത്തിൽ വെളിപ്പെട്ടെന്നു പൊലീസ് പറഞ്ഞു. ഒരു വർഷം മുൻപാണു ശരത്തിന്റെയും ശരണ്യയുടെയും വിവാഹം നടന്നത്. ശരത്തിന്റെ രണ്ടാം വിവാഹമായിരുന്നു. ശരത്തിന്റെ ആദ്യ ഭാര്യയും ജീവനൊടുക്കുകയായിരുന്നു.