റേഷൻ കാർഡ് മാറ്റിക്കോ!, അനർഹർ മുൻഗണനാ കാർഡ് തിരിച്ചേൽപിക്കണം

ജില്ലയിൽ മുൻഗണന റേഷൻ കാർഡുകൾ കൈവശം വച്ചിരിക്കുന്നവർക്കു കടുത്ത നടപടിയുമായി പൊതുവിതരണ വകുപ്പ്. പിഴയും ക്രിമിനൽ നടപടികളുമാണ് ഇത്തരക്കാരെ കാത്തിരിക്കുന്നത്.

ആരാണ് അനർഹർ

1.മാസം 25000 രൂപയിലധികം വരുമാനം,
2.ഒരേക്കറിലധികം ഭൂമി,
3.ആയിരം ചതുരശ്ര അടിയിലധികം വിസ്തീർണമുള്ള വീട്,
4.ഏക ഉപജീവന മാർഗമായ ടാക്സി ഒഴികെയുള്ള നാലു ചക്ര വാഹനം എന്നിവ ഉള്ളവർക്കും മുൻഗണന കാർഡുകൾക്ക്
അർഹതയില്ല.

മുകളിലെ നാല് മാനദണ്ഡങ്ങളിൽ ഏതെങ്കിലും ഒന്ന് നിങ്ങൾക്ക് ഉണ്ടെങ്കിൽ നിങ്ങൾ AAY(മഞ്ഞ),
മുൻഗണന(പിങ്ക്), നിറത്തിലുള്ള റേഷൻ കാർഡുകൾക്ക് അർഹനല്ല.ഇതിൽ ഏതെങ്കിലും രണ്ടെണ്ണം ഉള്ളവർ പൊതുവിഭാഗം സബ്സിഡി(നീല) റേഷൻ കാർഡിന് അർഹരല്ല.

ഒരു കുടുംബത്തിൽ ആരെങ്കിലും ഒരാൾ സർക്കാർ ജോലി ഉള്ളവരോ ഇൻകം ടാക്സ് അടക്കുന്നവരോ ആണെങ്കിൽ, ആ കുടുംബം മഞ്ഞ, പിങ്ക്, നീല എന്നീ കാർഡുകൾക്ക് അർഹരല്ല.

അനർഹമായി മഞ്ഞ, പിങ്ക്, നീല റേഷൻ കാർഡുകൾ കൈവശം വെച്ച് റേഷൻ വാങ്ങുന്നവർ നിർബന്ധമായും ആ വിവരം സ്വമേധയാ ബന്ധപ്പെട്ട താലൂക്ക് സപ്ലൈ ഓഫീസറെ അറിയിച്ച്, കാർഡ് മാറ്റി എന്ന് ഉറപ്പ് വരുത്തേണ്ടതാണ്.

ജൂലൈ 15 നകം അപ്രകാരം ചെയ്തിട്ടില്ല എങ്കിൽ അനർഹമായി വാങ്ങിയ മുഴുവൻ റേഷൻ സാധങ്ങളുടെയും, കമ്പോള വിലയും, കനത്ത പിഴയും കാർഡുടമയിൽ നിന്നും ഈടാക്കുന്നതാണെന്ന് സിവിൽ സപ്ളൈസ് ഡയറക്ടർ അറിയിച്ചിട്ടുണ്ട്.