അയർലണ്ടിൽ മെ​ഗാമേള ആഘോഷമാക്കി മലയാളികൾ‍

ഡബ്ലിൻ: അയർലണ്ടിലെ 'മലയാളി ഇന്ത്യൻസ് (MIND)' സംഘടിപ്പിച്ച പതിനഞ്ചാമത് മെഗാമേള ശ്രദ്ധേയമായി. ഡബ്ലിനിലെ അസ്‌ല സെന്ററിൽ ഫിങ്ങൾ മേയർ ഹോവർഡ് മഹോണി ടുമും മുഖ്യാതിഥിയായ സിനിമാതാരം ഹണി റോസും ചേർന്ന് വിളക്ക് തെളിച്ചു കൊണ്ടാണ് മെ​ഗാമേളയുടെ ഉദ്ഘാടനം നിർവഹിച്ചത്.

അയർലൻഡിലെ മന്ത്രിമാരായ ജാക്ക് ചേമ്പേഴ്സ്, തോമസ് ബൈർണെ എന്നിവർ മെഗാ മേളയുടെ മുഖ്യാതിഥികളായി. മലയാളികളുടെ ഈ ആഘോഷത്തിന് നെഞ്ചിലേറ്റിക്കൊണ്ട് നിരവധി സാമൂഹിക സാംസ്കാരിക രാഷ്ട്രീയ പ്രതിനിധികൾ പങ്കെടുത്തു. ഇന്ത്യയിൽ നിന്ന് മലബാർ ഗോൾഡ് ഡയമണ്ട്സിനു വേണ്ടി യൂറോപ്പ്യൻ പ്രതിനിധിയായ മുഹമ്മദ് സിയാദും, ഫെഡറൽ ബാങ്കിന്റെ പ്രതിനിധികളും എത്തി.

മൈൻഡ് നേതൃത്വത്തിൽ സംഘടിപ്പിച്ച നിരവധി ഇൻഡോർ ഔട്ട്ഡോർ ഗെയിമുകളായിരുന്നു മേളയുടെ മുഖ്യ ആകർഷണം. കേരളത്തനിമയോതുന്ന കലാപരിപാടികളോടൊപ്പം, കേരളീയ ഭക്ഷണവും കൂടി വന്നപ്പോൾ ആഘോഷം കെങ്കേമമായി. പരിപാടിയോട് അനുബന്ധിച്ച് നടന്നഫാഷൻ ഷോയും ആഘോഷത്തിന് മാറ്റ് കൂട്ടി. ആഘോഷത്തോടനുബന്ധിച്ച് പുസ്തകമേളയും സംഘടിപ്പിച്ചിരുന്നു