പുതിയ പ്ലാനുമായി ജിയോ; ഇനി ഫോണിൽ ഡാറ്റ തീര്‍ന്നാലും പ്രശ്നമില്ല

പുതിയ ഡാറ്റ പ്ലാനുമായി എത്തിയിരിക്കുകയാണ് റിലയൻസ് ജിയോ. ഡാറ്റ തീര്‍ന്നാൽ പെട്ടെന്ന് ഡാറ്റ ഉപയോഗപ്പെടുത്താൻ ആകുന്ന ഡാറ്റ ലോൺ പ്ലാനാണിത്. അടിയന്തരമായി ഡാറ്റ ഉപയോഗം ആവശ്യമായ സാഹചര്യത്തിൽ പ്ലാൻ പ്രയോജനപ്പെടുത്താം. പിന്നീട് പണം അടച്ചാൽ മതിയാകും.

ഒരു ജിബിയുടെ എമർജൻസി ഡാറ്റയാണ് ഈ വഴി ലഭിക്കുന്നത്. ആദ്യം പണം അടക്കാതെ തന്നെ റീചാർജ് ചെയ്ത് പിന്നീട് പണമടച്ചാൽ മതി. പ്രതിദന ഡാറ്റ പരിധി കഴിഞ്ഞാലും ഈ പ്ലാൻ പ്രയോജനപ്പെടുത്താം. ദൈനംദിന പ്രവർത്തനങ്ങൾക്ക് ഇൻറർനെറ്റ് ആവശ്യമുള്ള ഉപയോക്താക്കളെ ഉദ്ദേശിച്ചാണ് ഈ പുതിയ പ്ലാനിന് തുടക്കമിട്ടിരിക്കുന്നത്.

പ്രീ-പെയ്ഡ് ഉപയോക്താക്കൾക്ക് 11 രൂപ നിരക്കിൽ പ്ലാൻ ലഭ്യമാണ്. 1 ജിബിയുടെ 5 പായ്ക്കുകൾ വരെ ഇതിലൂടെ ഉപയോക്താക്കൾക്ക് പ്രയോജനപ്പെടുത്താവുന്നതാണ്. ഓഫർ പ്രയോജനപ്പെടുത്തിയ വരിക്കാർ പിന്നീട് പണം നൽകണം. അടിസ്ഥാന ഡാറ്റ പാക്ക് കാലാവധി തീരുന്നതുവരെ എമർജൻസി ഡാറ്റ ലോൺ പായ്ക്കും ലഭ്യമായിയിരിക്കും.

സബ്‌സ്‌ക്രൈബർക്ക് സജീവമായ ഒരു അടിസ്ഥാന ഡാറ്റ പ്ലാൻ ഉണ്ടെങ്കിൽ മാത്രമേ ഈ ഓഫർ ലഭ്യമാകൂ. എമർജൻസി ഡാറ്റ ലോൺ പായ്ക്ക് ലഭിക്കുന്നതിന് ഫോണിൽ മൈജിയോ അപ്ലിക്കേഷൻ ഡൗൺലോഡു ചെയ്യണം.

സ്‌ക്രീനിൻെറ മുകളിൽ ഇടത് ഭാഗത്ത് ആയി ‘മൊബൈൽ’ എന്നതിന് അടുത്ത് ‘എമർജൻസി ഡാറ്റ ലോൺ’ തെരഞ്ഞെടുത്ത് അടിയന്തര ഡാറ്റ നേടുക എന്ന ’ഓപ്ഷൻ ക്ലിക്ക് ചെയ്താൽ ഈ പ്ലാൻ ലഭിക്കുന്നതാണ് .