സ്റ്റേ​ഷ​നി​ലേ​ക്ക് ബൈ​ക്ക് ഓ​ടി​ച്ചു ക​യ​റ്റി​യ ക​ഞ്ചാ​വ് കേ​സി​ലെ പ്ര​തി​യെ പൊ​ലീ​സ് പി​ടി​കൂ​ടി;. ഇയാളെ പിടികൂടാനുള്ള ശ്രമത്തിനിടയിൽ പൊ​ലീ​സ് കോ​ൺ​സ്റ്റ​ബി​ളി​ന് പ​രി​ക്ക്

സ്റ്റേ​ഷ​നി​ലേ​ക്ക് ബൈ​ക്ക് ഓ​ടി​ച്ചു ക​യ​റ്റി​യ ക​ഞ്ചാ​വ് കേ​സി​ലെ പ്ര​തി​യെ പൊ​ലീ​സ് പി​ടി​കൂ​ടി. ഇയാളെ പിടികൂടാനുള്ള ശ്രമത്തിനിടയിൽ പൊ​ലീ​സ് കോ​ൺ​സ്റ്റ​ബി​ളി​ന് പ​രി​ക്കേ​റ്റു. തി​ങ്ക​ളാ​ഴ്ച വൈ​കു​ന്നേ​രം അ​ഞ്ചു​മ​ണി​യോ​ടെ തി​രു​വ​ന​ന്ത​പു​രം ഫോ​ർ​ട്ട് സ്റ്റേ​ഷ​നി​ലാ​ണ് നാ​ട​കീ​യ സം​ഭ​വ​ങ്ങ​ളു​ണ്ടാ​യ​ത്.

ആ​റ്റു​കാ​ൽ പാ​ട​ശ്ശേ​രി സ്വ​ദേ​ശി അ​പ്പു എ​ന്ന സ​ജി​ത്ത് (22) ആ​ണ് പി​ടി​യി​ലാ​യ​ത്. ഇ​യാ​ൾ നി​ര​വ​ധി ക​ഞ്ചാ​വ് കേ​സു​ക​ളി​ലെ പ്ര​തി​യാ​ണ്. ഒ​രു​മാ​സം മു​മ്പ് ആ​റ്റു​കാ​ൽ ഭാ​ഗ​ത്തെ ഒ​രു വാ​യ​ന​ശാ​ല​യും ഫ​ർ​ണി​ച്ച​റും അ​ടി​ച്ചു​ത​ക​ർ​ത്ത കേ​സി​ലെ പ്ര​തി​യാ​ണ്. എ​ന്നാ​ൽ, സം​ഭ​വ​ത്തി​ൽ അ​ന്ന് ആ​രും പ​രാ​തി ന​ൽ​കാ​ത്ത​തി​നാ​ൽ ഇ​യാ​ൾ ജ​യി​ൽ ശി​ക്ഷ അ​നു​ഭ​വി​ച്ചി​രു​ന്നി​ല്ല. പൊ​ലീ​സ് ഇ​ട​പെ​ട്ട് ഇ​യാ​ളെ ഊ​ള​മ്പാ​റ​യി​ലെ മാ​ന​സി​കാ​രോ​ഗ്യ കേ​ന്ദ്ര​ത്തി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു.

ഒ​രാ​ഴ്ച മു​മ്പാ​ണ് ഇ​യാ​ൾ പു​റ​ത്തി​റ​ങ്ങി​യ​ത്. അ​തി​നു​ശേ​ഷം വീ​ണ്ടും ക​ഞ്ചാ​വ് ഉ​പ​യോ​ഗി​ക്കു​ക​യും അ​ക്ര​മാ​സ​ക്ത​നാ​കു​ക​യും ചെ​യ്തു. ഇ​തി​നെ തു​ട​ർ​ന്ന് പൊ​ലീ​സ് ഇ​യാ​ളു​ടെ വീ​ട്ടി​ൽ അ​ന്വേ​ഷി​ച്ചെ​ത്തി​യി​രു​ന്നു. ഇ​തി​ൽ പ്ര​കോ​പി​ത​നാ​യാ​ണ് പ്ര​തി സ്റ്റേ​ഷ​നു​ള്ളി​ലേ​ക്ക് ബൈ​ക്ക്​ ഓ​ടി​ച്ചു ക​യ​റ്റി​യ​ത്. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.