വിഷു പ്രമാണിച്ച്‌ രണ്ട് മാസത്തേക്കുള്ള ക്ഷേമ പെന്‍ഷന്‍ ഒരുമിച്ച്‌ നല്‍കാനൊരുങ്ങി സര്‍ക്കാര്‍; തുക വിതരണം ചെയ്യുക ഏപ്രില്‍ 10 മുതല്‍ എന്ന് ധനമന്ത്രി കെ.എന്‍. ബാലഗോപാല്‍

തിരുവനന്തപുരം: വിഷു പ്രമാണിച്ച്‌ രണ്ട് മാസത്തേക്കുള്ള ക്ഷേമ പെന്‍ഷന്‍ ഒരുമിച്ച്‌ നല്‍കാനൊരുങ്ങി സര്‍ക്കാര്‍. ഏപ്രില്‍ 10 മുതല്‍ തുക വിതരണം ചെയ്യുമെന്ന് ധനമന്ത്രി കെ.എന്‍. ബാലഗോപാല്‍ അറിയിച്ചു.

സംസ്ഥാനത്തെ 60 ലക്ഷത്തോളം വരുന്ന ഗുണഭോക്താക്കള്‍ക്ക് രണ്ട് മാസത്തെ പെന്‍ഷന്‍ തുകയായ 3,200 രൂപ ഒരുമിച്ച്‌ നല്‍കുന്നത് വിഷുക്കൈനീട്ടമായി ആണെന്നും മന്ത്രി അറിയിച്ചു. പെന്‍ഷന്‍ വിതരണത്തിനായി 1,871 കോടി രൂപ സര്‍ക്കാര്‍ അനുവദിച്ചു.