ബെം​ഗളൂരുവിൽ ചികിൽസയിൽ കഴിയുന്ന ഉമ്മൻചാണ്ടിയുമായി വീഡിയോ കോളിൽ സംസാരിച്ചു മോഹൻലാൽ; വീഡിയോ കോൾ ചെയ്യുന്ന ചിത്രം മകൻ ചാണ്ടി ഉമ്മനാണ് ഫെയ്സ്ബുക്കിൽ പോസ്റ്റ് ചെയ്തത്

അസുഖ ബാധിതനായി കഴിയുകയാണ് മുൻ മുഖ്യമന്ത്രി ഉമ്മൻ‌ചാണ്ടി. ഇപ്പോൾ  മോഹൻലാലുമായി വീഡിയോ കോളിൽ ഉമ്മൻചാണ്ടി സംസാരിച്ചു എന്ന വാർത്തയാണ് പുറത്തു വരുന്നത്.

ബെം​ഗളൂരുവിൽ ചികിൽസയിൽ കഴിയുന്ന ഉമ്മൻചാണ്ടിയുമായി മോഹൻലാൽ വീഡിയോ കോൾ ചെയ്യുന്ന ചിത്രം മകൻ ചാണ്ടി ഉമ്മനാണ് ഫെയ്സ്ബുക്കിൽ പോസ്റ്റ് ചെയ്തത്. ഫെബ്രുവരി 12നാണ് വിദ​ഗ്ധ ചികിത്സക്കായി ഉമ്മൻചാണ്ടി ബെം​ഗളൂരുവിലേക്ക് പോവുന്നത്.

അർബുദ രോ​ഗബാധിതനാണ് ഉമ്മൻചാണ്ടി. അതേസമയം ഉമ്മൻചാണ്ടിക്ക് കൃത്യമായ ചികിത്സ ലഭിക്കുന്നില്ലെന്ന് വിവാദമുയർന്നിരുന്നു. അതിനിടെ, ന്യൂമോണിയ ബാധിച്ച് നെയ്യാറ്റിൻകരയിലെ നിംസിൽ അഡ്മിറ്റ് ചെയ്തിരുന്നു. തുടർന്നാണ് ബെം​ഗളൂരുവിലേക്ക് വിദ​ഗ്ധ ചികിത്സക്കായി മാറ്റിയത്.