മൂന്നാറിൽ വീണ്ടും പ​ട​യ​പ്പയുടെ വിളയാട്ടം; ടോ​പ്പ് സ്റ്റേ​ഷ​നിലെ ക​ട ത​ക​ര്‍​ത്തു, ഒ​ന്ന​ര മ​ണി​ക്കൂ​റോ​ളം ഗ​താ​ഗ​തവും മു​ട​ങ്ങി

ഇ​ടു​ക്കി: മൂ​ന്നാ​റി​ല്‍ വീ​ണ്ടും പ​ട​യ​പ്പയുടെ ആക്രമണം. മൂ​ന്നാ​ര്‍ ടോ​പ്പ് സ്റ്റേ​ഷ​നി​ല്‍ ഇ​ക്കോ പോ​യി​ന്‍റി​ലു​ള്ള ഗ​ണ​പ​തി​യു​ടെ ക​ട ക​ഴി​ഞ്ഞ രാ​ത്രി ആ​ന ത​ക​ര്‍​ത്തിരുന്നു. വി​നോ​ദ​സ​ഞ്ചാ​രി​ക​ള്‍​ക്കു​ള്ള സാ​ധ​ന​ങ്ങ​ള്‍ വി​ല്‍​ക്കു​ന്ന ക​ട​യാ​ണ് ആന നശിപ്പിച്ചത്.

പ​ട​യ​പ്പ എ​ത്തി​യ​തോ​ടെ ഒ​ന്ന​ര മ​ണി​ക്കൂ​റോ​ളം ഈ ​റൂ​ട്ടി​ല്‍ ഗ​താ​ഗ​തം മു​ട​ങ്ങി. ക​ഴി​ഞ്ഞ​യാ​ഴ്ച ചൊ​ക്ക​നാ​ട് എ​സ്റ്റേ​റ്റി​ലെ ക​ട ത​ക​ര്‍​ത്ത പ​ട​യ​പ്പ ഇ​വി​ടെ​നി​ന്നു ഭ​ക്ഷ്യ​വ​സ്തു​ക്ക​ള്‍ തി​ന്നി​രു​ന്നു. പി​ന്നീ​ട് മാ​ട്ടു​പ്പെ​ട്ടി ഭാ​ഗ​ത്തും എ​ത്തി​യി​രു​ന്നു.

ഏ​താ​നും ദി​വ​സ​ങ്ങ​ളാ​യി മൂ​ന്നാ​റി​ലെ വി​വി​ധ​യി​ട​ങ്ങ​ളി​ൽ പ​ട​യ​പ്പ പ്ര​ത്യ​ക്ഷ​പ്പെ​ടു​ന്നു​ണ്ട്. ഒ​രു മാ​സം മു​മ്പു വ​രെ ന​ല്ല​ത​ണ്ണി ക​ല്ലാ​റി​ലെ മാ​ലി​ന്യ സം​സ്‌​ക​ര​ണ പ്ലാ​ന്‍റി​നു സ​മീ​പ​മാ​യി​രു​ന്നു ഒ​റ്റ​യാ​ന്‍റെ സ്ഥി​രം താ​വ​ളം.

ആ​ന പ​തി​വാ​യി എ​ത്തി​യ​തോ​ടെ സം​സ്‌​ക​ര​ണ പ്ലാ​ന്‍റ് ജീ​വ​ന​ക്കാ​ര്‍ പ​ച്ച​ക്ക​റി​യു​ടെ അ​വ​ശി​ഷ്ട​ങ്ങ​ളും മ​റ്റും തീ​റ്റ​യാ​യി ഇ​ട്ടു​കൊ​ടു​ത്തി​രു​ന്നു. എ​ന്നാ​ല്‍ മാ​ലി​ന്യ സം​സ്‌​ക​ര​ണ പ്ലാ​ന്‍റി​ന്‍റെ ഉ​പ​ക​ര​ണ​ങ്ങ​ള്‍​ക്ക് ആ​ന നാ​ശ​ന​ഷ്ടം വ​രു​ത്തി​യ​തോ​ടെ ജീ​വ​ന​ക്കാ​ര്‍ പ​ച്ച​ക്ക​റി വേ​സ്റ്റ് ഇ​ട്ടു​കൊ​ടു​ക്കു​ന്ന​ത് നി​ര്‍​ത്തു​ക​യും ഇ​വി​ടെ ഗേ​റ്റ് സ്ഥാ​പി​ക്കു​ക​യും ചെ​യ്തു.

ഇ​തോ​ടെ​യാ​ണ് പ​ട​യ​പ്പ മ​റ്റി​ട​ങ്ങ​ളി​ലേ​ക്ക് എ​ത്താ​ന്‍ തു​ട​ങ്ങി​യ​ത്. കാ​ട്ടി​ലേ​ക്കു പോ​കാ​തെ മൂ​ന്നാ​ര്‍ മേ​ഖ​ല​യി​ല്‍ പ​ട​യ​പ്പ ത​മ്പ​ടി​ച്ചി​രി​ക്കു​ക​യാ​ണ്. ഇ​തോ​ടെ നാ​ട്ടു​കാ​ര്‍ അ​തീ​വ ആ​ശ​ങ്ക​യി​ലാ​ണ്.

അ​രി​ക്കൊ​മ്പ​ന്‍റെ കാ​ര്യ​ത്തി​ല്‍ വ​നം​വ​കു​പ്പ് സ്വീ​ക​രി​ച്ച ജാ​ഗ്ര​ത പ​ട​യ​പ്പ​യു​ടെ കാ​ര്യ​ത്തി​ല്‍ ഉ​ണ്ടാ​കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി.